Kan hriat angin Manchester United chuan interim coach atan Ralf Rangnick an ruat a, Manchester United chuan summer trasfer lo awm leh turah khian Borussia Dortmund striker Erling Haaland chu an target leh dawn niin report in a tarlang. Ralf Rangnick hian kum 2018 khan Erling Haaland hi Molde atang RB Salzburg lamah a lo la lut tawh a nih kha.
Dortmund lama a insawn hma khan Halaand hian RB Salzburg lamah kum 1 leh a chanve hun a hmang hman. Kha tih hunlai vel khan Rangnick hi Red Bull Group, Salzburg leh Leipzig-ah khan a tel nghe nghe.
An sawi zel danah Manchester United interim manager Rangnick hian Haaland pa leh a agent Alf-Inge te chu a close hle niin an sawi.
Manchester United in Erling Haaland hi an la lut thei a nih ngat chuan an duh ang tak striker naupang an la lut thei dawn tihna a ni.
Kan hriat angin Cristiano Ronaldo leh Edinson Cavani hi an naupang zawkzawk tawh lova, hetilai mek hian Anthony Martial leh Jesse Lingar pawh chhuah tum angin an sawi ve bawk.
Ralf Rangnick hi club-ah player te chherchhuaktu tia hriat a ni a, kum 21 a upa Haaland tan pawh Manchester United chu a tha viau dawn niin a lang. Summer transfer lo awm turah khian Haaland hian Borussia Dortmund chu chhuahsan a tum dawn niin sawi a awm bawk.
Europe team tha tak tak ten Norwegian rawlthar hi lak luh an duh deuh vek a, Real Madrid pawh hi amah duhtu zingah an tel ve a ni. Mahse, Haaland leh Rangnick te hi inhre sa annihna zarah Red Devils tan chance a tha chho viau mai.
Erling Haaland hi ‘The Terminator’ tia koh a ni, goal khung lamah a duailo hle a, tun season khelh mekah pawh hian Borussia Dortmund tan all competion ah goal 14 a khung leh der tawh. Kum 21 chauhva upa la ni rih mahse, 2021 Ballon d’Or sem zawh takah khan 11 rank ah a awm a ni.
Source SK