USMNT star Christian Pulisic chuan £17 million in Chelsea atangin AC Milan a zawm fel.
Pulisic hian nimin lam khan a club tharah medical test hlawhtling takin a nei fel a, chumi hnuah kum 4 chhung daih tur contract ziak in a contract hi kum khat dang pawhsei theih tur a ni bawk.
Pulisic an AC Milan a zawm hma deuh in tun thlatir lam khan English international Ruben Loftus Cheek chuan £15 million in Chelsea atangin Milan hi a lo zawm tawh bawk a, Pulisic leh Loftus Cheek te hian Milan ah Chelsea lama an teammate hlui Olivier Giroud leh Fikayo Tomori te nen an awm ho leh thei dawn a ni.
Chelsea hian 2019 khan Pulisic hi Borussia Dortmund atangin £58 million in an lalut a, kum 24 a upa hian Blues tan game 146 a inlan atangin goal 26 a khung. Dortmund forward hlui hian Chelsea ah beisei a phak lova, season hmasa phei kha chuan hliam in a tlakbuak nasa bawk nen, inkhel mual aiin substitution bench ah hun a hmang tam zawk.
Tunah chuan Pulisic hian club thar a nei tawh a, season tharah tha zawka lo kir ngei a duh ang. Milan hian kumina an pre season game hmasa ber atan United States ah Real Madrid chu July ni 23 khian an hmachhawn dawn a, Pulisic hian an ram leilungah ngei a team thar tana a game hmasa ber a khelh a rinawm.
