Paris Saint-Germain superstar Kylian Mbappe chuan Real Madrid in season thar lo awm turah an manager thar atan Zinedine Zidane chu ruat se tih a duh niin report in an tarlang.
El Nacional in a tarlan dan chuan, Real Madrid in an manager atan Zidane an la let leh a nih chuan Mbappe pawh Real Madrid zawm turin a inpeih reng niin a tarlang. PSG striker hi Frencman hnuaia khelh chu a duh tih a chiang. ZIdane hian manager angin Real Madrid chu UEFA Champions League vawi 3 lai a chawi pui a nih kha.
Summer transfer hnuhnung berah khan Kylian Mbappe chuan Real Madrid a zawm duh thu PSG a hriattir a nih kha.
“Chhuah ka dil, a chhan chu kha tih lai atang khan contract pawhsei ka duh lo, club khan transfer fee thahnem tak dawng ngei sela, min thlaktu tur quality nei tha tak la lut se tih chu ka duh. He club hian thil tamtak min tih sak a, englai pawhin ka hlim, hetah hian kum 4 chuang ka awm tawh a, tunah pawh ka lawm rih a ni. Club lamin an react nan chuan a hma mah mah rih” tiin Kylian Mbappe chuan nikum lamah khan alo sawi tawh.
Mahse, PSG chuan an striker chu an hralh chhuak duh lova, a contract tawp dawn tawh mahse, an la awm tir rih zel a ni.
Football transfer-ah hi chuan thil engpawh thleng thei reng a ni a, chuvang chuan season thar lo awm turah hian Zidane leh Kylian Mbappe hian Real Madrid hi an zawm mai lovang maw?
Source SL