Paris Saint-Germain chuan Juventus superstar Cristiano Ronaldo chungchangah ngaihdan (final decision) an siam fel niin report in a tarlang. Kan hriat angin C Ronaldo leh PSG sawi zawm an nih kha.
The Athletic in an tarlan dan chuan kum 36 a upa Portugal international hi transfer window lo awm turah French club lian PSG target a nih dawn loh thu an tarlang a, a chhan ber pakhat pawh Ligue 1 TV rights deal an neih theih loh vang niin an tarlang bawk.
An sawi zel danah tunlai hrileng avangin sum lamah harsatna an tawk nasa em em a, hei vang pawh hian Manchester United player hlui C Ronaldo hi an la lut dawn lo niin an sawi.
Neymar leh Kylian Mbappe hi PSG chhuahsan tum anga sawi nimahse, anni pahnih hi club lam chuan season thar lo awm turah pawh chhuah tir lova, la awm tir rih an tum dawn a ni.
Kan hriat angin Neymar chuan PSG-ah contract a pawtsei tawh a, Real Madrid nena sawi zawm Mbappe erawh contract a la pawtsei lo. Tuna a contract neih lai hi June 2022-ah a zo ve dawn a ni.
Premier League club lian Manchester United pawhin C Ronaldo agent Jorge Mendes an pe pawp a, 50% a a hlawh cut dawn chauhvin Old Trafford-ah an la lut duh niin an sawi.
C Ronaldo hi Man United-ah hian kum 2003 atanga 2009 thleng hun a hmang a, Red Devils tan match 292 a khelh atangin goals 118 lai a khung a ni.
HUAPZAU 2020 Euro Predictions – 1st Price Top Up Rs 249 man
Huapzau chuan kan hma lawka 2020 Euro lo awm tur atan predictions a buatsaih leh dawn a, Predict turah hian Champions tur, Goal khung hnem ber team, Goal chhuah tam ber team, Best Player, Assist nei tam te rinlawk tur a ni.
Huapzau Predition i predict dawn chuan Facebook profile hming hman tur a ni dawn a, chuan Mobile number dah bawk tur a ni ang. Mi pakhat tan vawi khat bak predict phal a ni lova, ring dik tam berin lawmman a dawng dawn a ni. Ring dik inang an awm a nih chuan thumvawr a ni ang. I summit tawh chuan i chhan dan record fel fai taka dah that a ni ang.
Predict tura players hming kan dah zingah i player thlan tur a tello a nih chuan, ‘other’ ah hian i player duh hming i ziak mai dawn nia.
Last date atan Ni June ni 10 a ni anga, result hi Euro 2020 khelh zawh atanga ni 3 naah puan a ni ang. Predict tur 9 a awm e.
Euro 2020 Predict na tur (Hmet rawh le)
https://surveyheart.com/form/60b91767dbdf286140eb14c3
Vannei berah tan tum teh le