Neymar’an Paris Saint-Germain lama kum khatna a hman hnua a hlawh zawng zawng an tarlang a, a mak dangdai hle.
Marca in an tarlan dan chuan, Neymar’an France lamah season khatna a hman khan Euro 400 million lai a hlawh chhuak niin an sawi. Commercial contract hrang hrang atang pawhin a hlawh hnem hle.
PSG in Neymar tana sum an sen zawng zawng puangzartu chu El Mund a ni a, PSG lam chuan player lak luh hi investment a nih thu an sawi ve bawk.
“Neymar atanga sum kan hmuh chhuah zawng zawng hi kan hman chhuah aiin a tam zawk a ni.” tiin Paris Saint-Germain president Nasser Al Khelaifi chuan a sawi.
Paris Saint-Germain official dawr hrang hrang ten Neymar jersey kha an zuar chhuak nasa a, an release atanga darkar 2 vel lekah Euro million chanve vel ka hlawh chhuak hman a ni.
Club lamin an sawi zel danah chuan Neymar hi awm lo ta se, Italian Bran Replay emaw Nike Jordan te hi deal an neih pui thei dawn lo niin an sawi. Club social media te pawhin Skyrocketed an follow bawk.
France lama season khat a hmannaah khan TV Audience te pawh 25 percent lai maiin an pun belh a, Disney Channel pawhin Brazil lamah Ligue 1 match en thei turin rights an lei ve bawk. ESPN leh Fox Sports hmanga broadcast a ni.
“Neymar a rawn lut hi PSG leh French League tan chuan hlawkna nasa tak a ni.” tiin Yoann Godin, director of international development Ligue 1 chuan a sawi.
“A game khelh hmasak ber kha football history-a entu tam ber ala ni.” tiin a sawi bawk.
Paris Saint-Germain-ah hian Neymar hi awm lo ta se, Lionel Messi pawh hi a lut kher ang em tih chu mi tamtak zawhna a ni. Neymar leh Messi hi thian inkawmngeih tak anni a, Messi’an PSG a pan theihna chhan pawh Neymar vang niin mi tamtakin an ngai.
Source SL