Ningani khan Paris Saint-Germain chuan official takin Georginio WIjnaldum an lak luh thu an confirm a, French club PSG hian Manchester United star la lut se tih a duh thu a sawi.
Netherland international Wijnaldum hian Liverpool atangin free transfer in Paris Saint-Germain hi a zawm a, tunkar tir lamah khan fans te hmaah an lak luh thu an confirm.
Red Devils star Paul Pogba hi French club Paris Saint-Germain lama lut tur angin sawi a awm a, hetihlai hian PSG lam pawhin an squad-ah player tha ve tak dah belh an duh ve bawk.
Georginio Wijnaldum hian Manchester United Midfielder Paul Pogba hi a fak hle a, Paris lamah an khelh dun theih chu a duhthusam niin a sawi.
“A tha tak zet, vawi tamtak chu ani nen hian kan inhmachhawn tawh a, amakin a ropui hle. Team zawng zawng hian amah neih chu an duh vek ang ka ring.” tiin Dutchman Wijnaldum chuan RMC a hrilh.
“Paul Pogba hi i kiangah khel se tih i duh em tiin team dang player te i zawt a nih chuan, player zawng zawngin duh an ti ang, a chhan chu player mak tak a ni, quality nei tha tak a ni bawk. Engkim mai hi a kawl vek mai, khawvel midfielder tha ber pakhat a ni.” tiin a sawi.
“Football ka hmuh ve dan chuan, player tamtakin hliam an neih chuan, mi pakhat nena khelh dun reng chu thil harsa tak pakhat a ni.”
“Games khelh tur tamtak a awm a, league, cups, Europe tih vel te, XI tha chauh i mamawh lova, mahse, rotation that hi a pawimawh. Hetiang hian a ni team tha tak a chhuah thin.”
“Season khat atan hian player zawng zawng hi kan mamawh vek. Zawhnaah khan kir leh ta ila, Paul Pogba hi hetah awm ve turin ka duh a ni, a chhan chu player ropui tak a ni.” tiin Wijnaldum chuan Pogba a duh thu a sawi chhuak.
Source SL