Paris Saint-Germain chuan free agent a lak theih Sergio Ramos chu a vawikhatna atan lak luh an tum a, mahse, Ramos duh ang kum 2 daih contract erawh an zawrh lo niin The Mail online chuan a sawi.
Kan hriat angin Sergio Ramos hian Real Madrid lamah awm rih duh mahse, club lamin awm tir an tum tawh loh avangin Ramos chuan Real madrid a mangtha ta a ni.
France club lian Paris Saint-Germain lamin kum 35 a upa Sergio Ramos hi duh viau mahse, Sporting director Leonardo tan Ramos lak chu a harsa deuh ang tiin L’Equipe chuan a tarlang.
Sergio Ramos representative leh PSG te hi an inbe tam zual sauh a, mahse, harsatna pakhat awm leh chu contract sei zawng chungchangah a ni.
French club lian PSG hian kum khat daih chiah contract an zawrh a, hetihlai hian Sergio Ramos chuan a kum upat dan ngaihtuahin security ang rengin kum 2 a sei contract a duh ve thung.
Spanish outlet Marca tarlan dan chuan, Ramos duhtu club dang pahnih, hming tarlan loh an sawi lang.
Ramos hi UEFA Champions League nomawi vawi 4 lai chawi tawhtu a ni a, PSG hian game lian an khelhah defender experience nei an mamawh thei hle a, chumi tihhlawhtlinna atan chuan Ramos hi an mamawh hle a ni.
PSG hian Ramos hlawh chungchangah harsatna an nei lo a, mahse, kum khat chhung atan chauh lak luh an tum avangin an la lut thei ang em le. Ramos duh dan chuan kum 2 tal ni se a duh niin an tarlang.
Source Mailonline