PSG in Ramos leh Messi te contract thar zawrh an rilrûk

Tun hnaia Paris Saint Germain player pawimawh pahnih Sergio Ramos leh Lionel Messi te chu club lam in an la cham chhunzawm zel an duh a, contract thar zawrh an rilrûk.

Spanish club ropui pahnih Real Madrid leh Barcelona team captain hlui te hi vawi tam Laliga ah an lo inhmachhawn tawh a, El Clasico ah Ramos leh Messi te phei hi chu an in bakkaih fo anih kha.

Amaherawhchu hun leh ni te a kal zel a, season hmasa transfer bazar lai khan heng player pahnih te hi rin loh tak mai in French club hausa Paris Saint Germain chuan an lalut.

Player pahnih te hian Paris a an season khatna an hmang tha lo ve ve a, season hnihna kal mêk ah erawh player pawimawh zinga mi anni. Argentine captain hian tun season kal mêk ah goal 4 leh assist vawi 7 a nei tawh a, Ramos lah nise a hnunglamah khaipa ber chan a chang bawk.

Chanchinbu lar Mundo Deportivo tarlan dan in Paris Saint Germain Sporting Advisor Luis Campos chuan tun season tawp ruala contract hmang zo tur kum 35 a upa Messi leh kum 36 a upa Ramos te chu kum khat dang cham chhunzawm tura contract thar zawrh an rilruk mêk.

Hetih mêk lai hian Barcelona chuan an captain hlui hi lakkir dan an la ngaituah reng thung. Messi erawh in a hma hun turah thutlûkna hmanhmawh taka siam a tum lova, World Cup khelh zawh hunah a siam fel chauh dawn niin media te’n an tarlang ve bawk.

error: Content is protected !!