Chelsea star Thiago Silva chuan a club hlui Paris Saint-Germain in defender Sergio Ramos an lak luh chu hmuh harsa a ti hle niin a sawi.
Kan hriat angin 2019/20 season tawp rual khan Thiago Silva leh French club lian Paris Saint-Germain chu inthenin, Chelsea a pan a nih kha. Ligue 1 lamah hian kum 8 chhung teh meuh mai hun alo hmang ve tawh a ni.
Paris Saint-Germain in Sergio Ramos contract sei tak an pek ang an pek ve loh avangin Brazilian defender Silva chuan inzahlohna ah a ngai a, Season hmasa khan tuna Sergio Ramos kum zat chiah hi Thiago Silva pawh ni vein, hei vang hian Silva hian a nat pui ve deuh niin a lang.
“Sergiio Ramos lakah hian rilru thalo emaw do na pakhat mah ka nei lo, mahse, Sergio hnenah kum 2 chhung atan contract an offer a, nikum lamah khan tuna a kum ang tho hi ka kum a ni.” tiin Chelsea defender Thiago Silva chuan ESPN a hrilh.
“Hei hian min ti na tak zet a, he thil chungchang hi tu hnenah mah ka la sawi lo, a chhan chu min ti na tak zet, club tan thil engmah ti lo ang maiah ka inngai a ni.”
“Ka chhuahtirh kha chuan ka chhuah hun tawh niah ka ngai a, mahse, tunah hian thil ka ngaihtuah nasa hle”
“PSG ah khan ni 8 chauh ka awm lova, thla 8 chauh pawh a ni hek lo, kum 8 chhung teh meuh mai hun ka hmang ve a ni. Hnehna vawi tamtak kan chang bawk a, sang taka an awm theihna turin, rim takin ka thawk ve a ni.” tiin a sawi bawk.
Source SL