Paris Saint-Germain in FC Barcelona atanga Neymar an lak luh lai khan khawvel player manto ber ani a, mahse, hei mai piah lamah Neymar tana French club in sum a sen zawng zawng hi a tam ang reng hle, Euro 489,228,117 (Euro 489 million) lai mai an seng niin report in an tarlang.
Paris Saint-Germain khan Neymar man atan khan Barcelona hnenah euro 222 million lai an pe a, a contract neihah khan release clause a awm bawk a nih kha, mahse, Neymar tana an sum sen dang pawh hi a tam hle mai.
El Mundo tarlan dan chuan kum 2017, August thla ni 3 khan, Paris Saint-Germain chuan Barcelona hnenah Neymar man atan Euro 222 million lai an pe niin a tarlang a, season 5 chhung awm turin an inrem, a awm chhung kum zawng zawnga a hlawh belhkhawm hi euro 43,334,400 lai a tling niin an tarlang. Season 6 na pawh a awm phei chuan a hlawh hi Euro 50,556,117 lai a tling thei dawn tihna a nih chu.
Paris Saint-Germain in Neymar tana sum an sen zawng zawng hi euro 489,228,117 lai a tling a ni.
Neymar contract-ah hian renewal clause a awm a, a duh chuan PSG ah hian season khat dang a awm thei dawn a ni. Neymar tan hian sum an seng hnem tak zet e. Season khat dang a awm leh a nih chuan an seng tam sawt ang.
Source Marca