PSG in Neymar chhuahtir an duh

El Pais tarlan dan in Paris Saint Germain chuan an forward Neymar Jr chu club chhuahsan turin an duh.

Kar kal ta khan PSG hotute chuan Neymar pa bia in a fapa chu club chhuahsan tura an duh thu an hrilh. He thu leng vak hi Radio Monte Carlo chuan a tarlang a, El Pais chuan a dik ngei ani tih a nemnghet bawk.

Paris a contract thar ziak hlim Kylian Mbappe chu club hotute te’n thuneihna sang tak pek an duh a, France international hian club chu nasa zawk a siamthat a ngaih thu leh player a tu te mah chu club aia lian zawk anni loh thu a sawi ve bawk.

Kum 23 a upa Mbappe chuan Neymar chu a displine a that loh thu leh recovery routine a zawm that loh thu PSG hotute a hrilh niin media te’n an tarlang.

Neymar hian 2027 thleng Paris ah contract a la nei a, kum khatah euro 40 million vel a inkhelhna atangin leh sponsorship atangin a lalut. A sum lakluh tam ang hu a a che tha tawk lo ah ngaiin PSG hotute chuan club chhuahsin turin a duh.

Kum 30 a upa Neymar Jr hi PSG chuan Premier League club hnih Manchester United leh Chelsea te hnenah euro 90 million in an offer niin news media hrang hrang te’n an tarlang.

Related Posts

error: Content is protected !!