Paris Saint-Germain player hlui pakhat chuan a club hluiin Lionel Messi an la lut chu an thil tih sual lian tak a nih thu a sawi. Hei hi UEFA Champions League a Manchester City an hmachhawn tuma a chet dan a hmuh hnu lawka a sawi a ni.
Kan hriat angin Lionel Messi’an August thla khan French club lian Paris Saint-Germain a zawm a, hei hi Barcelona lamin sum lamah harsatna an tawh vang niin a lang.
Uefa Champions League match Manchester City leh Paris Saint-Germain an inhmachhawn tum khan Lionel Messi pawh a inlan ve a, mahse sawiseltu a ngah ang reng hle. Neymar leh Kylian Mbappe pawhin sawiseltu an nei ve bawk.
Les Parisiens winger hlui Jerome Rothen chuan kum 34 a upa Lionel Messi chet dan chungchang sawiin, PSG lamin an la lut hi chu an tisual hle niin a sawi.
“PSG in Messi an la lut hi chu an thil tihsual lian tak a nih ka ring” tiin Rothen chuan Rothen s’enflamme podcast ah a sawi niin PSG Talk lamin an tarlang.
“Lionel Messi lak luh chuan, thil tamtak amah atangin a thlen i ring ngei ang. Mahse, season tan tirh atang tawh khan amah atang thil thar han hmuh tur ala awm lo.”
“A teammate te hma a sawn pui tiin min hrilh suh u. Hun a awm tawh lo, tunah hian December thla kan thleng dawn tawh” Tiin a sawi bawk.
Tun season khelh mekah Ligue 1 club PSG tan match 10 a khelh tawh atangin goal 4 a khung mek.
Source Sl