Paris Saint Germain chuan an star player Kylian Mbappe hnenah contract pui tak €1 billion an offer niin report chuan a tarlang.
Defensa Central tarlan danin PSG chuan kum 24 a upa forward hi kum 10 chhung daih tur contract an zawrh a, an contract offer hlut zawng hi €1 billion niin Sports history a contract pui ber a ni! Mbappe hian PSG contract zawrh hi pawm in contract thar ziak ta ang se Parc des Princes ah kum 2033 thleng daih tur contract a nei dawn tihna a ni.
Engpawhnise Mbappe hian UEFA Champions League a chawi theihna tur nia a hriat Real Madrid pan a duh avangin PSG contract thar hi a pawm lo nia sawi a ni.
2018 World Cup winner hian PSG hotute hnenah contract thar a ziah loh tur thu a hrilh chiang a, PSG lam lah in an forward hi nakkumah a thlawna chân an tum loh avangin contract thar a ziah thuai loh chuan kuminah to taka hralhchhuah an tum dawn.
Mbappe hian 2017 khan €180 million in Monaco atangin Paris Saint Germain a zawm a, Ligue 1 champion tan hian tun thlengin game 260 inlan tawh in goal 212 leh assist vawi 98 a thawkchhuak tawh.
2022 FIFA World Cup Golden Boot dawngtu hian Ligue 1 title vawi 5 lai chawi tawh mahse tun thlengin UCL a la chawi thei lova, UCL a chawi theihna tur hmun nia a ngaih Real Madrid zawm a thlahlel tawh hle.