El Nacional in a tarlan dan chuan Paris Saint-Germain in Barcelona midfielder Frenkie De Jong thleng pui an duh a, a man atan hian €50 million pek mai bakah Neymar pek tel an phal niin an tarlang.
FC Barcelona head coach Xavi’an a midfielder Frenkie De Jong chhuahtir tumna nei lo mahse, kar liamta vel atang khan club hrang hrang nen sawi zawm a ni. Tun season khelh mekah La Liga match 13 a inlan tawh atang goal 1 leh assist 2 chiah ala nei thei a, hetihlai hian Camp Nou lamah kum 2026 thleng contract a nei bawk.
FC Barcelona tan chuan Neymar lak let leh chu a harsa deuh maithei, PSG lama Neymar career hi a lan dan chuan a tha thawkhat viau mai.
PSG Owner Nasser Al Khelafi pawh hi Neymar chet dan leh nunchang vel chu a kham ve deuh tawh niin report in a tarlang a, deal vela telh pawh a pawi ti tawh lo niin an sawi.
Mahse, FC Barcelona hian Neymar hi an plan ah an la tel tir lova, a chhan chu a hlawh chungchangah harsatna an neih palh an hlauh vang a ni. Lak luh lam an ngaihtuah vak lo, a bik takin kum 29 a upa Neymar hian PSG lamah contract a neih tam vak tawh loh avangin.
Kylian Mbappe pawh hi PSG chhuahsan tur anga sawi a ni a, Mahse, Neymar zawk hi an chhuahtir lovang tih pawh a sawi theihlo.
Source SL