Ligue 1 club lian Paris Saint-Germain chuan Achraf Hakimi chu an la lut a, an lak luh hnuah khawvel right back man to zual top 5 te kan rawn tarlang ve leh dawn a ni.
Kan hriat angin Transfer window chu a kal mek zel a, an hawn atanga vawiin ni thlengin player lut leh chhuak pawh an awm nuk mai. Chhuak tur leh lut tur pawh an la awm belh zel dawn niin a lang.
Engpawhnise, a hnuaiah hian football history-a right back manto zual top 5 te kan rawn tarlang ve leh dawn a ni.
5 Danilo (Juventus) – €37 million
Kum 2019 khan Juventus chuan Manchester City atangin Danilo hi €37 million lai maiin an la lut. Turin lama season khat a hmannaah duh angin a che tha lo hle a, mahse, season 2 na vel atang chuan Juventus player pawimawh ber pakhat a rawn ni chho.
Season khelh zawh takah khan Juventus back lamah a tangkai hle a, central midfield lamah pawh a khel thei a, Juventus lamin an hman rim ber pakhat a ni.
Season khelh zawh takah khan Juventus tan Serie A match 34 a khelh atangin goal 2 a khung mai bakah assist vawi 4 lai a nei tling.
4 Kyle Walker (Manchester City) – €52.7 million
Pep Guardiola hian Kyle Walker hi a duh hle
Kum 2017 khan Manchester City chuan Tottenham Hotspur atang €52.7 million lai maiin an la lut. Etihad Stadium lamah a hlawhtling hle. Manchester City boss Pep Guardiola pawhin a chhawr rim a, Right back angin a khel tam ber.
England in Euro 2020 final an luh theihnaah pawh hian Kum 31 a upa Kyle Walker hi a pawimawh hle, player pawimawh tak pakhat a ni mek. Man City a pan hnuah Premiere League nomawi 3 lai a chawipui tawh a, FA Cup vawi khat leh EFL Cups vawi 4 lai a chawi pui tawh bawk.
3 Aaron Wan-Bissaka (Manchester United) – €55 million
Antonio Valencia’an Manchester United a chhuahsan avang khan, Man Utd chuan righ back thar an mamawh a, kha tih lai khan Wan Bissaka hi an la lut ta a, player hmasawn chak tak niin Premiere League right back tha ber pakhat a ni mek.
Crystal Palace chuan an right back hi Manchester United hnenah €55 million lai maiin an hralh a ni. Ole Gunnar Solskjaer hnuaiah a che tha hle.
Defensive-ah a that mai piah lamah attack lamah pawh a duailo hle, kum 23 a upa niin a thawkrim a, dribbling leh crossing ah pawh hmasawn tak a ni.
2020-21 season ah khan Manchester United tan all competion-ah match 54 a inlan thei a, goal 2 a khung mai bakah asssis vawi 6 lai a nei tling.
2 Achraf Hakimi (Paris Saint-Germain) – €60 million
Achraf Hakimi hi tunlai football khawvela right back tha ber a ni mek, league hrang hrangah khel kual tawhin a theihna tamtak a lan tir tawh a ni. Loan in Borussia Dortmund lamah a khel a, season 2 chhung hun a hmang.
A hnu lawkah a parent club Real Madrid chuan Inter MIlan hnenah €40 million in an hralh chhuak a. Inter Milan in Serie A nomawi an chawi nghal, nomawi an chawi theihnaah hian Hakimi hi player pawimawh ber pakhat a ni. Nerazzurri tan all competion-ah match 45 a khelh atangin goal 7 a khung mai bakah assist vawi 11 lai a nei tling a ni.
1 Joao Cancelo (Manchester City) – €65 million
Manchester City star Joao Cancelo hi football history-ah khawvel right back man to ber a ni mek. 2017-18 season khan Inter Milan lamah loan in hun a hmang a, Juventus chuan a that zia hriain Valencia hnenah a nghetin an la lut, kha tihlaia a man chu €40.4 million a ni.
Turin lamah season khat a hmannaah a che tha hle a, All competion ah match 34 a khelh atangin goal a khung a, assist vawi 5 a nei tling bawk. Kum 2019 summer transfer lai khan Manchester City chuan €65 million in an la lut ta a ni.
Source SK