Paris Saint-Germain hi UEFA Champions League champion tura mi tamtak rin ber an ni, mahse, PSG manager Mauricio Pochettino chuan UCL nomawi chawitu tura a rin team dang hming a sawi.
Kan hriat angin tun summer transfer-ah khan Paris Saint-Germain hian player tha an la lut nual a, Lionel Messi, Sergio Ramos, Achraf Hakimi leh Goalkeeper Gianluigi Donnarumma te hi an la lut a ni. Hei vang hian mi tamtakin UEFA Champions League nomawi an chawi theih ngei an ring.
Amaherawhchu, Tottenham Hotspur manager hlui Mauricio Pochettino chuan champion lai Chelsea chu tun season Champions League champion tura rinkai ber an nih thu a sawi.
“Keini team hi chu kan ni lo, Tun summer-a player tamtak la lut ve mai kan ni” tiin Pochettino chuan news conference-ah a sawi niin Sky Sport in an tarlang.
“Team tha dang thenkhat an awm a, mahse, keini team pawh mite rin ber pakhat kan ni. Keini team hi result tha tak hmuh ngei mamawh kan ni bawk.”
“Mi tamtakin Paris Saint-Germain leh Chelsea hi champion turah an ring a, mahse, Chelsea hi champion lai an ni a, an squad an thuam that hnu phei chuan rinkai ber pakhat anni.” tiin Pochetino chuan a sawi bawk.
French club lian hian 2021/22 UEFA Champions League match hmasa berah Belgian champions Club Brugge an hmachhawn dawn a ni.
Source SL