Kan hriat angin tunlai football khawvel chanchintharah chuan Lionel Messi chanchin hi a tam ber mai awm e, FC Barcelona a chhuahsan hnuah French club lian Paris Saint-Germain a zawm teuh tawh hle niin a lang.
Lionel Messi la thei tur zingah Premiere League champion Manchester City hi langsar ve viau mahse, club a han chhuahsan tak tak mai chu, PSG lamin an mi duh ber pakhat an la thei mai dawn niin a lang.
Lionel Messi leh Paris Saint-Germain lamin inremna an nei tawh tia thuthang awm chungchangah, French journalist Julien Maynard sawi san chuan Lionel Messi hian PSG lama a hak tur jersey number a thlang tawh niin a sawi.
Lionel Messi has turned down Neymar's number 10 shirt at PSG, and instead intends to wear the number 19 – his former Barcelona and Argentina number. (@JulienMaynard)
— Get French Football News (@GFFN) August 6, 2021
Mak deuh maiin, Lionel Messi hian a iconic jerney number 10 chu a ha dawn lova, number 19 a ha dawn niin a sawi. Hei hi a fans te tan chuan thil mak tak pakhat a tling ngei ang.
Mahse, fans thenkhatte chuan Barcelona lama Lionel Messi season khelh hmasak ber lai khan FC Barcelona in jersey number 10 an pe nghal lo tih chu an hria a, kha tih lai khan jersey number 19 tho a ni a hak ni, Ronaldinho chuan jersey number 10 a ha ve thung.
Ronaldinho’an club a chhuahsan hnuah Jersey number 10 hi ha ve thei chauh a ni a, a hlawhtling puiin, FC Barcelona tan chuan a hlu viau mai. FC Barcelona hian an jersey number 10 hi an retire lo ang tih a sawi theih loh.
Source 90Min