Paris Saint-Germain chuan an superstar Kylian Mbappe thlaktu tur player 4 hming an tarlang a, Real Madrid lamah a insawn a nih ngat chuan heng 4 zinga pakhat tal hi chu an lak luh ngei a rinawm.
Nilaini khan Ligue 1 club lian PSG Sporting director Leonardo chuan kum 22 a upa forward Mbappe hian Los Blancos zawm a duh rih lo niin a sawi a. Mahse, Leonardo thuchhuah siam hi PSG atanga Mbappe duhdan thuchhuah vawikhatna ani nghe nghe.
Leonardo chuan Real Madrid offer hmasa zawk chu PSG in an hnawl niin a sawi a, Real Madrid lamin Mbappe lak luhna turin offer dang an rawn siam leh tak avangin Real Madrid lamin an la lut maithei.
Diario Madridista tarlan dan chuan PSG lam hian an superstar Kylian Mbappe thlaktu tur hming list an siam tawh niin a tarlang a, he list an siamah hian Cristiano Ronaldo pawh a tel niin an tarlang.
Everton star Richarlison pawh PSG shorlist-ah hian a tel a, ani hian kum 2018 khan Everton hi a zawm a, match 121 a khelh tawh atangin goal 53 lai maiah a inhnamhnawih tawh a ni.
Engpawhnise, a hnuaiah hian Kylian Mbappe thlaktu tura rinkai player 4 te kan rawn tarlang ve leh e.
Cristiano Ronaldo (Juventus)
Richarlison (Everton)
Harry Kane (Tottenham Hotspur)
Mohamed Salah (Liverpool)
Source SL