PSG a insiamrem tura Messi puitu Neymar

Paris Saint Germain tana a season hmasa bera beisei pha lo Lionel Messi chu Paris a a tlaktlum theihnan a thian leh khelhpui ni bawk Neymar an theihtawp in a puih.

Messi, Neymar leh Mbappe te’n tun season bul an tan tha em em a, an club tan heng forward pathum te hian tun season kal mêk ah goal 22 leh assist vawi 13 an thawkchhuak tawh a, French Super Cup an chawi tawh bawk.

Messi pawh in ngai a awh chho leh tan tawh a, a insiamrem theihnan Neymar an kawng tam takah a tanpui niin a lang.

“Leo hi hun rei tak atanga hre tawh ka ni a, inkhel mualah leh training na ah te ka pui thei hi ka lawm hle. Barcelona ah kum tam tak chhung a awm a, ani leh a chhungte tana thil inthlak danglam thut khan a nunah nghawng tam tak a nei ngei ang. A tirlam khan harsa a ti takzet a, tunah erawh he hmun hi a chenna in ang mai in a ngai tawh a, engkim mai hi a tha chho zel tawh. He hmunah hian hlimna chang se ka tia, hlim dun ila ka duh bawk. Kan hmaah chona hmachhawn tur tam tak a awm a, kan paltlang theih ngei pawh ka ring” tiin Neymar an Paris khawpui ah Messi a insiamrem theihnana tan a lak thu a sawichhuak.

Inthiantha tak pahnih Neymar leh Messi te hian an career ah game 191 lai an kheldun tawh a, Brazilan forward hian Messi aia a khelhpui hnem chu a hnampui Dani Alves (199) chauh a ni.

Related Posts

error: Content is protected !!