Pressure nasa tak hnuaia kan khelh thiam a tul – PSG head coach

Zanin zanlai / Naktuk zing dar 12:30 ah Paris Saint Germain in Benfica an tlawh dawn a, PSG head coach Christophe Galtier chuan Benfica laka a nau te’n point thum an hlawhchhuak duh anih chuan pressure nasa tak hnuaiah pawh an khelhthat a tul thu a sawi.

Group H ah Benfica leh Paris Saint Germain te hian an khingpuite an la hneh vek a, goal difference an neih that zawk avang chauh in PSG in table chung ber luah mêk.

League lamah nise team pahnih te hian tlawm ni hmel an la hmu lova, league hmahruaitu ve ve an anni mêk. Chuvangin Lisbon a Benfica leh PSG te insu tur hi a hmuhnawm hle turah ngai phawt ang.

“Benfica laka kan tih tur zawng chu theihtawp chhuaha khelhthat tum a ni a, pressure nasa tak hnuaiah pawh thiam taka ka khelh a tul dawn” tiin Christophe Galtier an Benfica lakah game awlsam an khelh loh tur thu a sawichhuak.

Galtier chuan sawi chhunzawmin,” Season tantirh atangin hnehloh an la tawng lova, an inkhel hmuh a nuam in player te inkungkaihna a tha hle bawk. Theihna sang tak an nei a, a huhova khelh lah an thiam narawh. Hetiang ang dinhmun an thleng thei hi a mak hran lova, he group a hmahruai thei tur team anni” a ti.

Benfica hian tun season a an home match 7 ah an tumpuite la tlawm fai vek mahse PSG head coach Christophe Galtier erawh in a nau te’n Benfica hneh thei tura theihna leh tawnhriat an nei that thu a sawi thung.

error: Content is protected !!