Kan hriat angin Premier League hi khawvel league harsa ber tiin an sawi thin a nih kha, English club ah hian world class player tha hnem tak an awm.
Mahse, European lama inelnaah erawh tun hnai atang lawk khan Premiere League club te an chungnung. Chelsea, Liverpool leh Mancheseter City te hi tun season Champions League champion tura rinkai ber pathum anni mek.
Premiere League club te hian transfer fee leh player te hlawh pek nan sum an seng hnem ang reng hle a, PSG leh Bayern Munich ang thovin sum tamtak an seng a ni. Premiere League player thenkhatte chu an chet dan ngaihtuahin an hlawh tam mah mah thin a, hetihlai hian an chet dan ngaihtuaha hlawh tlem mah mah an awm ve bawk.
Tun tumah hian Premiere League player tha, che tha, hlawh tlem si player 5 te kan rawn tarlang ve leh dawn a ni.
5 Wilfred Ndidi – £75K/week
Wilfred Ndidi hi Brendan Rodgers’an Leicester City a enkawl hnuah a che tha hle. N’didi hi Premiere League holding midfielder tha N’Golo Kante, Fabinho leh Rodri te huanga awm ngat a ni.
Nigerian international hian King Power Stadium-ah £75K chauh a hlawh a. Saul Niguez, Tanguy Ndombele leh Thomas Partey te ai a hlawh tlem zawk daih. Paul Pogba leh N’Golo Kante hi Ndidi aiin a let 4 velin an hlawh tam zawk a ni.
4 Reece James – £58K/week
Chelsea youth academy product Reece James hi talent nei tha tak a ni a, centre back, right back, right wing leh central midfield-a khel thei vek a ni.
2021-22 season khelhah pawh Chelsea an che tha hle, Chelsea hi defence nei tha tak anni a, Reece James vang hian an that phah hle. Hei mai a ni lo tun season khelh mek Premiere League-ah goal 4 khung tawhin assist thahnem tak a nei a ni.
James hian kar khatah £58K a hlawh, Chelsea player hlawh tlem ber pakhat a ni. Reece James ai hian Chelsea player 22 te an hlawh tam zawk a ni. Malang Sarr pawh hian James ai a let hnihin a hlawh tam zawk.
Premiere League defender che tha ber pawl a ni.
3 Edouard Mendy – £52K/week
Edouard Mendy pawh hi a chet that ngaihtuah chuan a hlawh tlem mah mah a ni. Season hmasa khan Premiere League-ah clean sheet vawi 16 lai a nei tling a, tun season khelh mekah vawi 8 a nei tling leh der tawh.
Stamford Bridge ah hian kar khatah £52K chiah a hlawh a, Chelsea goalkeeper no 2 Kepa Arrizabalaga ai a let hnihin a hlawh tlem zawk.
2 Sadio Mane – £100K/week
A chet that dan ngaihtuah chuan hlawh tam a phu tak zet mai. Liverpool a pan hnu hian hma a sawn hle a, Liverpool player pawimawh tak pakhat a ni mek.
Mane hian Liverpool chu Premiere League nomawi leh Champions League nomawi a chawi pui a. 2018-19 season ah goal 22 khungin Golden Boot a dawng. Tun season khelh mekah goal 7 a khung mek bawk.
A chet dan ngaihtuahin a hlawh tlem hle. Kar khatah £100K chauh a hlawh a, Jadon Sancho (£350K/week), Raheem Sterling (£300K/week) leh Timo Werner (£272K/week) te ngaihtuah chuan tlem tak a ni.
1 Bukayo Saka – £30K/week
Arsenal rawlthar Bukayo Saka hi hlawh tlem tak a ni. Arsenal player che tha ber pawl leh rinrawl ber pakhat a ni mek. Mahse, Emirates Stadium ah kar khatah £30K chauh a hlawh a ni. Midang hlawh ngaihtuah chuan a tlem hle.
Source SK