Premiere League manager pakhatin Match zawng zawng postpone vek turin a duh

Covid 19 positive thar an hmuh belh zel tak avangin English Premiere League manager pakhat chuan fixture zawng zawng khelh hun tur sawn hla vek se tih a duh.

Covid 19 hrileng an pun tak zel avangin, Thursday khan Leicester City leh Tottenham Hotspur match khelh tur pawh anlo sawn hla tawh a, hei mai bakah Manchester United leh Brentford khelh tur match pawh an sawn hla bawk.

Kan hriat angin United Kingdom-ah hian COVID 19 hri a pung nasa em em a, kar hnih liamta vel atang tawh khan natna thar Omicron in khawvel pum a deng chhuak mek a ni.

Brentford manager Thomas Frank chuan League match khelh tur zawng zawng leh Carabao Cup match khelh tur zawng zawng te pawh pospone vek tura a duh thu a sawi chhuak.

“Tunkar chhova Premiere League game khelh tur zawng zawng hi postpone ve se tih chu kan duh.” tiin Thomas Frank chuan The Sun a hrilh.

“Premiere League club zawng zawngah Covid 19 hri kai thar an pung nasa em em a, mi zawng zawngin harsatna an tawk mek.”

“Premiere League round leh Carabao Cup round hi a tlem berah karkhat tal postpon vek se a tha ang, a nih loh pawhin ni 4 emaw ni 5 chhungin thenfai hna thawk sela, training ground leh thil dang zawng zawng tih faih hna thawk se atha viau dawn a ni.” tiin Brenford manager Thomas Frank chuan a sawi.

Source SL

Related Posts

error: Content is protected !!