Newcastle United chuan Manchester United leh Everton star Marouane Fellaini chu lak luh tumin an bei dawn niin report in an tarlang.
Belgian newspaper La Derniere Heure ten an tarlan dan chuan Shandong Luneng star Marouane Fellaini chu Magpies (Newcastle United) top target a nih thu an tarlang. Newcastle manager Eddie Howe chuan Magpies squad chu thawm that a tum ruh hle a, a bik takin midfield lam a duh uluk niin an sawi.
Mahse, Newcastle United hian awlsam takin Fellaini hi an la lut thei mai dawn lo niin a lang, January transfer window chhung ngei hian Turkish club lian Galatasaray leh Besiktas ten lak luh ve ngei an tum a ni.
Belgium international hlui Fellaini hi a luck ang reng a, Qatar leh Dubai lama club thenkhatte pawhin lak luh an duh ve a ni.
Fellaini hi Chinese Super League lamah Shandong tan a khel mek a, Chinese Super League player tha ber pawl a ni mek. Kum 2019 khan Man United atang Shandong hi a zawm a, match 80 a inlan tawh atang goal 30 khung tawhin assist vawi 6 a nei mek a ni.
Kum 34 a upa Fellaini hi Premiere League lamah pawh experience a nei tha ang reng a, kum 11 chhung teh meuh mai English football inelna sang berah hian hun alo hmang ve tawh.
Kum 2008 khan Standard Liege atang Everton a zawm a, Everton tan all competion ah match 177 inlanin goal 33 a khung a ni.
Kum 2013 khan Everton chhuahsanin United manager hlui David Moyes chuan Old Trafford lamah a la lut ve leh a ni. Red Devils tana a khelh chhung khan match 177 bawk inlan lehin goal 22 a khung mai bakah assist vawi 12 a nei tling.
Newcastle United in neitu thar anneih hnuah chet nat an tum ang reng a, January transfer window inhawn chhung hian player thar an lak luh nual a rinawm.
Tunah hian Atletico Madrid atang Kieran Trippier chu £12million in an la lut tawh a, Neitu thar an neih hnua an player lak luh hmasak ber a ni nghe nghe.
Source TS