Premiere League (era) tih a nih hnuah Manchester United hi PL club hlawhtling ber anni a, Premiere League nomawi 13 lai an chawi tawh a ni. (Hei hi Premiere League tih a nih hnua an chawi zat a ni e)
Kum 30 liamta velah khan Premiere League tiin hming thar a pu tan a, United hi hmahruaitu anni ti ila kan sawi sual awm love. Hetihlai hian an nomawi chawi hnuhnung ber chu kum 2013 daih kha a ni tawh a, kum 10 a liam leh tep tawh tihna a nih chu. Mahse, United hi English football team zinga team tha ber pakhat an la ni mek.
Manchester United hian history an nei ropui a, an club ah hian world class player tam tam te lo khel tawhin Manchester United tana goal khungtu pawh an tam hle. Tun tumah hian Premiere League history-a Red Devils tan goal khung thei player upa zual kan rawn tarlang ve leh dawn a ni.
5 Laurent Blanc (2003 Premier League winner) – Kum 35 leh ni 315 a upa a nihin Red Devils tan goal a khung (2003)
4 Bryan Robson (two-time Premier League winner) – Kum 36 Ni 216 days a upa a nihin Red Devils tan goal a khung (1993)
3 Cristiano Ronaldo (three-time Premier League winner) – Kum 36 leh ni 309 a upa a nihin Red Devils tan goal a khung (2021)
2 Paul Scholes (11-time Premier League winner) – Kum 37 leh ni 304 a upa a nihin Red Devils tan goal a khung (2012)
1 Ryan Giggs (13-time Premier League winner) – Kum 39 leh ni 87 a upa a nihin Red Devils tan goal a khung (2013)
Heng kan tarlan tak te atang hian Cristiano Ronaldo chauh United tan a khel tawh a, Manchester United player Premiere League a goal khung thei upa ber nihna hi a hauh thei ang em le?
Source SK