Kan hriat angin Premiere League hi khawvel league harsa ber anga sawi thin a ni. Rinhlel rual lovin league hausa an ni tih chu a chiang. TV revenue atang tein sum an la lut hnem em em a, hei mai bakah fans tamtakin an follow bawk.
England club te hi an hausa ang reng a, hei vang hian khawvel player tha te a hip a, hlawh tam zawk an pek theih avangin. Tun tumah hian English Premiere League goalkeeper ni mek hlawh tam zual te kan rawn tarlang ve leh dawn a ni.
4. Kasper Schmeichel (Leicester City) – £130,000-a-week
Kasper Schmeichel hi goalkeeper talent nei tha tak pakhat ani a, club leh ram tana rinrawl ber pakhat ani mek.
Danish goalkeeper Schmeichel hi Leicester City-ah iconic status a nei der tawh. Leicester City-ah hian engtia rei nge a awm theih ang le.
3. Alisson Becker (Liverpool) – £150,000-a-week
Alisson Becker hi khawvel goalkeeper tha ber anga sawi thin a ni. Kum 2018 khan Liverpool a zawm a, a zawm atang ala che tha char char.
Brazilian goalkeeper hi club tan goalkeper pawimawh tak pakhat ani mek. Tun season-ah Reds lamin Trophy lak an tum tak tak anih chuan chet that chhunzawm zel a mamawh dawn a ni.
2. Kepa Arrizabalaga (Chelsea) – £155,000-a-week
Football history-ah Chelsea goalkeer Kepa Arrizabalaga hi goalkeeper manto ber ani mek a, Chelsea in man to takin la lut mahse, duh ang leh beisei angin Stamford Bridge lamah hian a che tha lem lo.
Tunah hian kum 26 a upa chauh la ni mahse, hmasawn theihna hun ala nei a, a chet that vat pawh a rinawm.
1. David de Gea (Manchester United) – £375,000-a-week
Kum 2 liamta vel chhung kha chuan David de Gea hi a che tha vak lo maithei, mahse, tun hnai lawk atang khan Spaniard hi Manchester United player pawimawh ber pakhat a rawn ni chho leh a ni.
Kum 30 a upa David de Gea hi Man Utd goalkeeper number 1 ala ni reng a, tun season tan leh hnua a chet dan pawh a rawn tha chho viau.
Source 90Min