Premiere League club pakhat leh Ole Gunnar Solskjaer sawi zawm a ni

Nikum November thlaa an ban tak Ole Gunnar Solskjaer chuan tun thlengin hna thar ala hmu lova, mahse, Premiere League lamah a rawn kir hnai niin report in a tarlang.

Kum 49 a upa Solskjaer hi tunah hian Norway lamah ala awm a, U14 team tana khel a fapa chu coaching a pe mek a ni. Season hmasa pawh khan offer hrang hrang hmu mahse, alo hnar zel anih kha.

Jeunes Footeuz chuan Sport Witness kaltlangin Brighton in an manager chhuak ta Graham Potter thlaktu atan Ole Gunnar Solskjaer chungchang an sawiho niin a sawi.

Tun thla tir khan Chelsea chuan an manager nilai Thomas Tuchel chu banin an manager thar atan Potter an ruat anih kha.

Premiere League table-ah Brighton hian palina dinhmun an hauh mek a, match 6 an khelh tawh atang match 4 ah hnehna an chang a ni.

Tun dinhmunah an la che tha ang reng hle a, manager thar chungchangah pawh an thlan uluk deuh hlek a ngai dawn a ni.

Solskjaer’an season 2 lai mai Manchester United a enkawl lai khan United chu pathumna leh pahnihna a hauh pui thei a ni. Manager hlauhawm tak pakhat anga sawi thin ni mahse, a tactic that loh avangin sawiseltu a ngah hle.

Hetihlai hian Potter erawh tactical fing tak hmanga a team te khelh tir thintu a ni thung. Brighton hian an manager thar tur an thlan uluk viau a ngai dawn a, tunah hian Roberto De Zerbi chu an lak tum hnaivai zingah a langsar ber pawl a ni mek.

Source SL

Related Posts

error: Content is protected !!