Serie A club lian Juventus in an manager Andrea Pirlo an ban hnuah, Premiere League club nena sawi zawm a ni.
Andrea Pirlo hian Juventus chu trophy 2 chawi puiin, Serie A table-ah top 4 hauh pui mahse, kar hmasa khan Juventus in a hna atangin an ban a ni.
Andrea Pirlo hian hnathar zawn buai nan hun a duh tam vak dawn lo niin a lang, Calcio Mercato chuan 2002 World Cup winner Pirlo chu Everton lamin lak luh an tum niin a tarlang.
Everton manager Carlo Ancelotti’an club a chhuahsan hnuah Toffees ho hian manager thar an zawng mek ve bawk.
Pirlo hian Juventus chu Serie A nomawi a hum pui zo lova, season liamtaah khan Old Lady chu Coppa Italia leh Super Coppa Italiana nomawi a chawi pui.
Italian publication tarlan danchuan Leicester City manager hlui Claudio Ranieri hi Everton target pakhat a nih theih thu an tarlang bawk.
Source Sl
Read More (Official: Manchester United player chhuak tur 2 confirm a ni)
Premiere League club lian Manchester United chuan an first team player pahnih chhuak tur an confirm niin report in a tarlang.
Ole Gunnar Solsjkjaer chu season thar lo awm tur atan a inpuahchah nasa hle a, club lam pawhin an goalkeepers Joel Pereira leh Sergio Romero an chhuah tur thu an puang ve bawk.
Kum 2014 khan Red Devils chuan Romero hi an la lut a, FA Cup nomawi, UEFA Europa League leh League cup nomawi a chawi pui a ni.
Manchester United chuan tihian an player chhuak turte chungchangah statement an chhuah.
Kumin hian Manchester United player thenkhatte contract neih a zo dawn a, 2021/22 season atan squad siam rem deuh a ngaih avangin. Player 8 lai maite an chhuak dawn a, tah hian first team goalkeeper Joel Pereira leh Sergio Romero pawh an tel, Academy player Jacop Carney, Mark Helm, Iestyn Hughes, Arnau Puigmal, Max Taylor leh Aliou Traore te pawh chhuak tur zingah an tel ve a ni.
Club tana an thawhna zawng zawngah kan lawm hle.
Hetihlai hian senior goalkeepr Lee Grant leh forward experience nei tha tak Juan Mata chu United lama an contract tur chungchang sawi pui anni ang, stopper rawlthar Paul Woolston pawh hi a contract tur chungchang ngaihtuah a ni bawk ang tiin statement an chhuah.
Source SL