Premiere League hi khawvel league harsa ber anga sawi a ni a, League hausa ber an ni kan ti thei awm e. Television revenue atang pawhin sum an hmu nasa ang reng hle a, fans entu pawh an tam ang reng hle. Keini Mizoramah pawh Premiere League hian en a hlawh ber mai awm e.
England-a club thenkhatte hi chu an hausa ang reng hle a, hei vang hian player tha ni si hlawh tam zawk beisei tan chuan a tha hle a ni. Tun tumah hian Premiere league centre back hlawh hnem zual player 4 te kan rawn tarlang ve leh dawn a ni.
4. Harry Maguire (Manchester United) – £189,904-a-week
Manchester United Harry Maguire man atan £80million lai mai an pek lai khan mi tamtakin mak an ti, mahse, England internationa Maguire hi United tan player pawimawh ber pakhatah a rawn inchhuah a, tunah phei chuan captain lai a rawn ni chho hial mai.
Tunah hian Premiere League defender tha ber pakhat ani mek.
3. Virgil van Dijk (Liverpool) – £220,000-a-week
Kum 3 liamta ve atang khan Virgi van Dijk hi khawvel centre back tha ber pakhatah a rawn inchhuah a, tunah hian Liverpool player pawimawh ber leh thiampuipa ani mek. A defence a that mai bakah leadership skills tha tak a nei a ni.
Season hmasa kha chuan hliamin a ti buai hneh hle a, duh ang pawhin match a khel tam lo. Tun season-ah hian hma a rawn sawn leh viau thei ang em tih chu mi tamtak thlir mek a ni.
2. John Stones (Manchester City) – £250,000-a-week
John Stones hi la naupang hle mahse, a chet dan erawh a puitling hle, club leh ram tana a chet danah a pawimawh hle.
England international hi a hma chuan a che tha vak thin lova, mahse, hma a rawn sawn chho viau, 2020/21 Premiere League nomawi an chawi theihnaah pawh a pawimawh hle.
Kum 27 aupa hi club tana a pawimawh zia tih lan nan kum 2026 thleng contract an ziah pui a ni.
1. Raphael Varane (Manchester United) – £340,000-a-week
Manchester United chuan tun summer transfer-ah khan Real Madrid atangin an la lut a, tunah hian Premiere League centre back hlawh hnem ber ani mek.
Source 90min