Premier League leh Champions League a bul tan tha lo Liverpool

Nizan Champions League inkhel ah Liverpool in Napoli laka 4-1 a an mualpho hnuin manager Jurgen Klopp chuan insiamthat nasat an mamawh thu a sawi.

Reds hian nizan inkhelah mual neitu an ngam lo em em a, first hakf chhungin goal thum an chhuah hman der. Tin, 2nd half tan atanga hun reilo te hnuah Napoli lamin goal 4-na an khung leh bawk. Liverpool winger Luis Diaz chuan goal khat in han chhanglet ve bawk mahse awmzia erawh a nei thui lem lo.

Klopp nau te hian tun season kal meka match 7 an khelh atangin match 2 ah chiah hnehna an la chang a, ngai awh leh turin theihtawp an chhuah tak meuh a tul.

”First half khan kan khel chhia tih ka hria mahse a tlangpuiin goal 3 em em chu kan chhuah ngailo. Tin, Allison goal ah a awm a, khatiang thil a thleng thei anih chuan kan khel chhe hle tihna a ni. He hmunah hian 2019 khan kan 2-0 in kan chaklo tawh a, game tha tak khelchhuah a harsa hle. Tunah hian thil tam tak tlakchham kan nei mek a, kan insiamthat nasat a ngai” tiin Klopp an Napoli laka an mualpho hnua insiamthat an ngaih thu a sawichhuak.

Klopp chuan sawi chhunzawm leh in,”Inrinni ah Wolves kan hmachhawn dawn a, zanin a kan game khelh kha an hmu anih chuan an nuih a za viau ngei ang. ‘Tun huna hmachhawn hi thil duhthusam a ni ang’ an ti ngei ang. Chuvang chuan kawng engkimah tuna aia tha a kan khelh a ngai” a ti bawk.

Premier League ah Liverpool hian hmahruaitu Arsenal chu point 6 in an phak lo mek a, Champions League ah nise chaklo in bul an tan phawt chu ania, Reds an insiamthat nasat a ngai.

Related Posts

error: Content is protected !!