Premier League club lian te inchuh tur Bellingham

Premier League club lian Manchester United, Liverpool, Chelsea leh Manchester City te chuan nakkum transfer bazar ah Borussia Dortmund midfielder Jude Bellingham an inchuh dawn.

Kum 19 chauh a upa la ni mahse English international hi European club lian tam tak te duhrawn a ni der tawh a, Dortmund ah hun rei a cham a rinawm tawh lo.

Nakkum transfer bazar ah Bellingham an Dortmund a chhuahsan dawn anih chuan a manah German club hian £87 million an phut dawn niin AS chanchinbu chuan a tarlang. Midfielder thangduang tak hi Premier League club lian te’n lakluh an tum ang.

Tun season a midfield laia buaina tawk mek Liverpool chuan Bellingham an la ngaihven reng a, nakkum transfer bazar inhawn hunah lakluh tum in hma an la chhunzawm ang. Reds hmelma lian Manchester United lam pawh in Frenkie De Jong laka an beidawn hnuin Jude Bellingham lakluh tum in tan an la dawn.

Liverpool leh Man Utd te mai baka he rawlthar duh tu te chu Man City leh Chelsea te anni. City hian an midfielder kum 31 a upa Ilkay Gundogan thlaktu tura Bellingham hi lakluh an duh a, City a Gundogan hmunruak hnawhkhat tura Pep mi duh niin report chuan a tarlang. Tin, Chelsea lam pawh in an midfielder kum uaithla lam tawh pahnih N’Golo Kante leh Jorginho te thlaktu tura lakluh an duh ve bawk.

Related Posts

error: Content is protected !!