Premier League club lian te duhrawn Moussa Diaby


Premier League club lian te chuan Bayer Leverkusen forward thangduang tak Moussa Diaby an thlithlai mêk a, nakkum transfer bazar ah lakluh tumin an inchuh dawn tih Report chuan a tarlang.

French international hian BayArena ah season thum daih contract a la nei a, tun hnai kuma Leverkusen player pawimawh ber pakhat a ni.



Diaby hian 2019 khan €15 million in Paris Saint Germain atangin Bayer Leverkusen hi a zawm a, German club tan hian game 133 inlan tawh in goal 33 leh assist vawi 39 a nei tawh.

Kum 23 a upa attacker tlan chak tak hian left wing leh right wing a khelh a thiam ve ve a, season hmasa khan a club tan game 42 inlan in goal 17 leh assist 14 a nei. French forward hian Bayer Leverkusen chu season hmasa khan league table ah pathumna dinhmun a luahpui a, an chungah Borussia Dortmund leh Bayern Munich te an awm.



90 minute tarlan dan in September ni 14, Champions League group stage match a Bayer Leverkusen in 2-0 a Atletico Madrid an hneh tum in Arsenal leh Chelsea scout team te chuan a hmunah ngei Diabby inkhel hi an en. Diabby hian minute 87 na ah goal a khung nghe nghe bawk. Arsenal leh Chelsea mai bakah Premier League club dang Manchester United, Manchester City, Tottenham Hotspur leh Newcastle United te chu Paris Saint Germain forward hlui duh tu te anni.

Diabby hian tun season kal mêk ah match 9 a inlan atangin goal 1 leh assist vawi 2 a nei tawh. Tun season a la che tha lo Leverkusen hian league ah point 4 chauh an la hlawhchhuak a, table ah 17-na dinhmun an luah mêk.

Related Posts

error: Content is protected !!