Premier League ah Toni Kroos

Premier League champion Manchester City chuan January thla ah Real Madrid midfielder Toni Kroos lakluh an tum dawn niin El Nacional chuan a tarlang.

Kum 32 a upa Bayern Munich midfielder hlui hian Santiago Bernabeu ah tun season bak contract a nei tawh lova, Madrid lam chuan an midfielder hi la chelh zel duh in contract thar zawrh ve bawk mahse Kroos hian an sawmna a la hnawl zel rih.

Hetiang anih takah chuan season tawp ruala a thlawn rum ro a chan ai chuan Los Blancos hian January thlaah man neia hralhchhuah an duh ang. German midfielder hi Pep Guardiola player duhzawng tak niin Spanish coach hian a lo ngaihven fo tawh.

Tun nipui bazar khan City hian player thar Erling Haaland, Kalvin Phillips, Sergio Gomez, Manuel Akanji leh Stephan Ortega te an lalut a, an tangkaipui chho zel. Tin, Norway striker Haaland ngat phei hi chu City chakna hnar ber niin tun season kal meka game 7 a inlan atangin goal 12 a khung tling tawh!

2022-23 season tha taka an hman theihnan City an inla tha em em a, amaherawchu game khelh tur a tam a, player inhliam an awm thei reng bawk nen man tlawm taka player tha lakluh an hnial in a rinawm lo. Madrid a contract thar ziah tum lo Kroos hi England a kan hmu anih pawh in a mak hran lovang.

Related Posts

error: Content is protected !!