Potter an Stamford Bridge ah engzah nge a hlawh dawn?

Chelsea chuan nilaini a Thomas Tuchel an ban fel hnuin Graham Potter chu an manager thar ni turin an be nghal a, an inla fel thuai. Tuchel leh Chelsea neitu thar Todd Boehly te inkar thu a tha lo nia sawi a ni a, Blues in season bul an tan tha lo bawk nen, Boehly ah Tuchel lakah dawhtheihna a nei tam lo hle.

Chelsea hian tun season league match ah Leed United leh Southampton te an ngam lova, Champions League lamah nise an game hmasa berah Dinamo Zagreb an hneh lo bawk.

Club hotute chuan Chelsea in chak zawka hma lam an pan theih beisei in English manager an lalut a, Potter hian tunkar tawpa Fulham an hmachhawn hunah a nau te a ho hman ang.

”Chelsea ang club ropui ka enkawl thei tur hi ka inchhuang a, ka phur tawh hle” tiin Chelsea manager thar Potter an Chelsea a enkawl theih avanga a hlim thu a lo sawi tawh.

Brighton hian kum 47 a upa manager Potter chu £15 million in an lalut a, kum 5 daih contract an ziahpui. Potter hian Stamford Brigde ah season khat chhungin £12 million a hlawh dawn a, a contract neih lai kum 5 a hman zawh meuh chuan £60 million a hailut ang. Daily express tarlan dan in Premier League manager hlawh tam ber Pep Guardiola hian Etihad Stadium ah season khat chhungin £20 million a hlawh.

Tunkumah Brighton leh Chelsea te’n indawrna an nei fova, Brighton lam atangin Marc Cucurella leh Graham Potter te’n Stamford Bridge an pan a, Blues lam atang hian rawlthar Billy Gilmour chuan Amex Stadium a pan ve thung.

Related Posts

error: Content is protected !!