Porto atang Luis Diaz’an Liverpool a zawm a nih chuan, Liverpool in an forward pahnih an hralh thut thei

Tottenham Hotspur lak luh tum Luis Diaz chu Liverpool lamin an hijacked niin report in a tarlang a, Liverpool hian Colombia international hi an luh ngei a rinawm.

Sky Sports News in a tarlan dan chuan Liverpool lam hian Luis Diaz man atan £45 million vel an offer niin an tarlang. Tunah hian Luis Diaz hi international duty in hun a hmang mek.

Liverpool hian transfer window khar hma ngeiin lak luh an duh a, Luis Diaz hnenah palai pawh an tir tawh niin an sawi.

Liverpool in Porto atang Luis Diaz hi an la lut thei a nih chuan, an player thenkhatte chhuahtir ngei a ngai dawn a. The Athletic in a tarlan dan chuan Liverpool hian Origi leh Minamino chu chhuah an phalsak dawn niin a tarlang ve bawk.

Minamino duh zingah hian Leed United leh Monaco an langsar hle. Kum 2020 khan Minamino hian Red Bull Salzburg atang an la lut a, mahse, Anfield lamah duh angin hma a sawn hlei thei lo.

Season hmasa khan loan in Southampton a pan a, tun season-ah rawn kir lehin Premiere League match khelh mekah ala start rih lo a ni.

Liverpool lam hian Japan international hi an chhuahtir dawn chuan a man atan £20 million vel an offer dawn niin an sawi.

Hetihlai hian Origi pawh Newcastle United leh Italian club Atalanta lamin an duh ve bawk niin an tarlang. Belgium international Origi hian Liverpool tan match 167 a khelh atang goal 40 a khung tling ve tawh a, Kum 2019 Champions League final a Tottenham Hotspur 2-0 a an hneh tum pawh khan goal a khung ve a ni.

Liverpool lama contract a neih mek hi, tun summer transfer lo awm turah a zo ve dawn a, mahse, a contract clause neihah tun season bikah match a khelh tam chuan, kum khat dang contract a pawtsei thei dawn a ni.

Source SK

Related Posts

error: Content is protected !!