Kan hriat angin nizan Manchester United leh Southampton inkhelhah khan 1-1 in an indraw a, Paul Pogba chuan Premiere League a player dang tih ngai loh thil pakhat a ti a ni.
Nizana an draw khan Red Devils tan chuan a duhawm lo hle a, mahse, France international Pogba erawh a che tha hle, Man Utd goal khung kha a assist a ni.
Southampton goal lamah a hlauhawm hle a, Mason Greenwood goal khung tur khan Pogba assist a ni a. Minute 30 a Fred’an an lama goal a tih luh palh chu an nih rual pui ta a ni.
Manchester United midfielder Pogba hian season tan tirh game hmasa 2 atangin assist vawi 5 lai a nei tling nghal a, Manchester United in Leeds United 5-1 a an hneh tum pawh khan vawi 4 lai assist a nei a ni.
Vawi 20 English champions lo ni tawh Manchester United official website tarlan dan chuan, Premiere League history-ah hetiang ang record nei thei player dang an la awm ngailo niin an tarlang.
Man Utd ah Paul Pogba ala awm chhunzawm zel ang em?
Kum 28 a upa Paul Pogba hi thla hmasa atang khan United chhuahsan tur anga sawi a ni a, England lamah kum 1daih chiah contract a nei tawh a ni.
Tuna a lan danah chuan Paul Pogba hi tun season tawp thleng United lamah a la awm chhunzawm a rinawm a, Paris Saint-Germain leh Real Madrid lamin duh mahse, Old Trafford-ah hian contract dang pawh ala pawhsei zel a rinawm bawk.
Source SL