Kan hriat theuh tawh angin Ballon d’Or hi France Football in kumtin club leh ram tana che tha player hnenah alo hlan thin a. Kum 1956 khan a vawikhatna atan an sem chhuak a, vawiin ni thleng kum tin an sem ziah. Khawvel hmun hrang hrang atang player dawn phu ten an dawng thin.
Kum tamtak chhung chu world class players thahnem tak ten Ballon d’Or award hi an lo dawng tawh thin a, player thenkhatte phei chuan pakhat ai tam an dawng nghe nghe. Lionel Messi chuan a vawisarihna atan kumin Ballon d’Or a dawng leh a, history-ah a dawng hnem ber. A dawtah Cristiano Ronaldo awmin vawi 5 a dawng ve bawk.
Amaherawh chu club leh ram tana che tha tho si dawn phu ngawih ngawih, la dawng ve lo te pawh tamtak an awm. Tun tumah hian player ropui, Ballon d’Or award la dawng ve lo 5 te kan rawn tarlang ve leh dawn a ni.
5 Kenny Dalglish (1983 Ballon d’Or runner-up)
70s leh 80s chho vel khan Kenny Dalglish hi club leh ram tana player tha tak pakhat a ni.
Liverpool legend hian club lama hun a hman chhungin trophies thahnem tak a chawi tawh a. League titles ringawt pawh 12 lai a chawi thei a, Liverpool tana a khelh lai khan league titles 8 chawiin Celtic tan 4 a chawi pui bawk. 1983 Ballon d’Or-ah khan pahnihna a ni a, Michel Platini chuan a hneh a ni.
4 Paolo Maldini (two-time Ballon d’Or podium finisher)
Paolo Maldini hi football history-ah defender tha ber pakhat anga sawi thin a ni. Maldini hian AC Milan tan a hun pum a hmang a, AC Milan tan all competion-ah match 900 ai tam daih a inlan thei a ni.
Maldini hian Milan chu League title 7 leh European Cups 2 (UEFA Champions League tih a rawn put hnuin 3 a chawi bawk). Italy in 1994 FIFA World Cup final leh 2000 European Championship final an thlen theihnaah pawh player pawimawh tak a ni.
1994 leh 2003 Ballon d’Or-ah khan dawng tur zinga langsar ber pakhat ni mahse, pathumna ve ve ah a awm. Tunah hian Milan technical director angin a awm mek a, kum 53 a upa hi Player tha Ballon d’Or dawng ve ngailo pakhat a ni.
Kum 2006 khan defender atangin a vawikhatna atan Italy defender Fabio Cannavaro chuan Ballon d’Or a dawng a, hemi hma hian defender dangin an dawng ngailo. Kum 2015 khan Sergio Ramos chuan a dawng teuh hle, Mahse, tuna PSG lama a teammate ni mek Lionel Messi hian a khum a ni.
3 Thierry Henry (2003 Ballon d’Or runner-up)
Thierry Henry pawh hi Ballon d’Or dawng ve ngailo legend a ni. Club leh Ram tana hun a hman chhung khan player tha tak pakhat a ni. Frenchman hian goal khung nuam a ti in, major titles a la nual tawh.
1998 FIFA World Cup leh 2000 European Championship winner Henry hian Arsenal lamah career ropui tak a hmang. Arsenal in unbeaten run record an neih kumah khan player pawimawh tak ni mahse, Ballon d’Or erawh a dawng lem lo.
Kum 2003 Ballon d’Or ah khan Henry hian Pavel Nedved chu a hneh lova, hei hi Ballon d’Or history ah footballer che tha an thlan loh zinga langsar tak pakhat a ni nghe nghe.
2 Andres Iniesta (2010 Ballon d’Or runner-up)
Andries Iniesta hi football history-ah midfielder tha ber pakhat a ni a. FC Barcelona leh Spain tan career duhawm tak a hmang. Kum 2010 Ballon d’Or ah khan runner up a ni.
1 Robert Lewandowski (2021 Ballon d’Or runner-up)
Robert Lewandowski hi tunlai striker zinga hot ber pakhat a ni mek, goal khung lamah a duai lo hle.
Bayern Munich-ah hian season 7 chauh la awm mahse, all competion-ah goal 300 lai a khung tling der tawh. 2019-20 an treble lai pawh khan player pawimawh tak pakhat a ni.
Kum 2020 khan Covid 19 hrileng avangin Ballon d’Or pawh cancel a ni, mahse, 2020 Ballon d’Or kha cancel lo se chuan a dawng ngei ang le.
Kumin Ballon d’Or ah pawh a dawn ngei ringtu mi tamtak an awm, mahse, pahnihna a ni. A vanduai ber mai awm e.
Source SL