Premiere League-ah hian Europe player atanga hlawh hnem tak tak an awm nuk a, hei hian Premiere League in hma a sawn zia a pholang a ni.
Premiere League lamah hian sum a tam deuh pawh a ni mahna, world class player hrang hrang ten Premiere League lama khelh chu an duh a, Premiere League club te hian player tha tak tak an la lut thei a, an hlawh duh zat an pe thei bawk.
Tun tumah hian Premiere League club, player te hlawh atana sum seng hnem zual club 5 te kan rawn tarlang dawn a ni.
5 Premier League clubs with the highest wage bill at the moment
5 Arsenal – £114,965,273
Arsene Wenger’an Arsenal a chhuahsan hnuah duh angin an che tha tawhlo hle, a chhuahsan atang khan beisei an phak tawhlo hle.
Wenger’an Gunners a chhuahsan hnuah Arsenal hi Premiere League top 4-ah an lang leh tawh lova, season liamta phei kha chuan European Competions an khel pha lo a ni. Table-ah pariatna dinhmun an hauh nghe nghe. Mahse, heti chung hian player tha lak nan sum tamtak an sen mai bakah an player te hlawh an pe tam hle.
Arsenal Player hlawh hnem ber chu Pierre-Emerick Aubameyang niin kar khatah £250,000 lai a hlaw. Pahnihnaah Thomas Partey awmin kar khatah £200,000 a hlawh ve a ni.
Summer transfer hnuhnung berah khan Willian chuan Arsenal hi a zawm ve a, mahse, beisei a phak loh hle, Arsenal player hlawh hnem lamah pathumna a ni. Kar khatah £192,308 a hlawh. Ben WHite hi hlawh hnem lamah parukna ni ve bawkin kar khatah £120,000 a hlawh a ni.
Tun summer transfer-ah pawh player lak luh nana sum hmang hnem ber club pakhat anni a. Mahse, tuna a lan dan chuan Top Four bak an challenge theilo maithei a ni. Premier League match 3 an khelh tawhah vawi 3 an tlawm tawh a, goal khat mah an la kkhung lo a ni. Insiamthat an mamawh tak zet.
4 Liverpool – £135,818,000
Jurgen Klopp’an Liverpool a enkawl hnu atang Liverpool hi Premiere League leh Europe club tha ber leh hlauhawm ber pakhat an rawn ni chho a. Kum 30 hnuah a vawikhatna atan Premiere League nomawi an chawi mai bakah, Champions League nomawi an chawi bawk.
Liverpool hian Virgil van Dijk leh Alisson Becker-ah chauh hlawh an seng hnem a, player dang ho hi chu Klopp hnuaiah hmasawn mek anni chuti vakin an hlawh a tam lem lo.
Liverpool player hlawh hnem ber chu Van Dijk ani an, kar khatah £220,000 lai a hlawh a ni. Thiago Alcantara leh Mohamed Salah hian kar khatah £200,000 an hlawh ve ve a, Roberto Firmino’a kar khatah £180,000 hlawhin Sadio Mane’an kar khatah £100,000 chauh a hlawh thung. Tun summer-a an lak luh thar Ibrahim Konate’an kar khatah £70,000 a hlawh ve bawk.
3 Manchester City – £149,032,000
Tun summer transfer-ah khan Man City hian Aston Villa atang Jack Grealish an la lut a, an club player hlawh hnem ber pahnihna a ni. Kar khatah £300,000 hlawhin Raheem Sterling nen an hlawhzat a inang.
Man City midfielder Kevin De Bruyne hi a hlawh tam ber a, kar khatah £400,000 lai a hlawh. John Stones hian tun hnai lawk khan contract thar a sign belh a, kar khatah £250,000 a hlawh ang.
2 Chelsea – £155,114,000
Tun summer transfer-ah Chelsea chuan Inter Milan atang an player hlui Romelu Lukaku an la lut a, tunah hian Chelsea player hlawh hnem ber ani mek. Kar khatah £325,000 lai a hlawh. Pahnihnaah N’Golo Kante leh Timo Werner awm vein kar khatah £290,000 leh £272,000 an hlawh. Champions League final hero Kai Havertz hian kar khatah £150,000 a hlawh. Academy starler Mason Mount hian kar khatah £88,000 hlawhin, Reece James hian kar khatah £58,000 a hlawh ve bawk.
1 Manchester United – £228,986,200
Manchester United hi player te hlawh atana sum hmang hnem ber anni mek. Goalkeeper David De Gea hi United player hlawh tam lamah pahnina dinhmun a hauh mek. Kar khatah £375,000 a hlawh. An player lak luh thar Cristiano Ronaldo hian kar khatah £510,000 lai a hlawh a, hlawh hnem ber a ni mek.
Tun summer-a an lak luh Jadon Sancho leh Raphael Varane te hian £350,000 leh £340,000 ve ve an hlawh a. Paul Pogba, Edinson Cavani leh Anthony Martial te hian kar khatah £250,000 theuh an hlawh a ni.
January 2020 transfer window-a an lak luh tak Bruno Fernandes hian kar khatah £180,000 a hlawh a ni, a chet that dan ngaihtuah chuan a hlawh tlem ang reng hle.
Source SL