2020-2021 PFA Young Player of the Year award dawng tur shortlist an puang a, Liverpool star Trent Alexander-Arnold pawh telin, shortlist-a tel zawng zawng hi English player vekte an ni.
Liverpool right back Trent Alexander Arnold hian 2019-20 season khan he award hi alo dawng tawh a, khami tum khan Liverpool chu Premiere League champions an ni. Tunah pawh Arnold hi dawng tur zinga rinkai ber pakhat a ni.
Season khelh zawh takah khan Manchester City in Premiere League nomawi an chawi a, Phil Foden pawh PFA Young Player of the Year dawng thei tur Shortlist-ah a tel. UEFA Champions League nomawi chawitu Mason Mount pawh a tel ve a ni.
Phil Foden hian goals 9 a khung a, assists vawi 5 a nei. Chelsea star Mason Mount hi goals 6 ah inhnamhnawihin Chelsea chu table-ah palina a hauh pui.
Shorlist-ah hian English player ngawt an tel hlawm a, Declan Rice, Bukayo Saka leh Mason Greenwood pawh te pawh shortlist-a tel an ni hlawm.
Rice hian West Ham a chet that pui hle a, Europa League khel thei turin an inhlang kai.
Bukayo Saka pawh Arsenal tan rinrawl ber pakhat a ni a, goals 5 a khung mai bakah assist vawi 4 a nei tling.
Manchester United rawlthar Mason Greenwood pawh United tan a che tha ang reng, game 8 hnuhnung a khelh atangin goal 6 lai a khung thei a, season khelh zawh takah goals 9 lai a khung tling.
PFA Young Player of the Year shortlist-a lang player 6 te hi England squad-ah an tel vek a, mahse, Greenwood erawh hliam a neih avangin a tel thei ta lo.
Source Mail Online