PFA Player of the Year dawng turin Salah ai Mane thlang tu Man City player hlui

Manchester City star hlui Micah Richards chuan Sadio Mane chu Mohamed Salah ai PFA Player of the Year dawn a phu zawk niin a sawi.

Kan hriat angin tun season khelh mekah African star pahnih te hi Liverpool tan an pawimawh dun hle a, mahse, Mohamed Salah hian goal a khung tam zawk a ni, goal 30 a khung mai bakah assist vawi 13 a nei tling.

Hetihlai hian Sadio Mane erawh all competion goal 19 ah a inhnamhnawih, mahse, Richards chuan Sadio Mane hi PFA Player of the Year dawn a phu zawk niin a sawi.

“Sadio Mane an la lut hi chu an tih fuh hle a ni.” tiin Richards chuan Daily Mail ah ziak.

“Manchester United leh Tottenham Hotspur te chuan Southampton atang lak luh an tum ve ve a, Southampton ah hian season khat ai tam hun a hmang hman. Mahse, Jurgen Klopp chuan a duh a hria a, a team tana khel thei tur a hria. Rinnain Mane chu mi special tak a nih ngei a ring a, a la lut ta a ni.”

“Salah pawh hi tun season khelh mekah a che tha tak zet a, mi tamtakin Salah chet thatna an hmu a, che tha ber angah ngaiin, award dawng thei turah an ngai bawk.”

“Mahse, an chet dan i thlir let chuan, Sadio Mane hian hlimthla lian tham tak a nei a ni.”

“Mane hi ka duh tak zet, Mo Salah kianga a khel thei hi ka hlim tak zet, Salah hi tamtakah a inhnamhnawih a ni.” tiin a sawi bawk.

SL

Related Posts

error: Content is protected !!