PEP LEH KLOPP HNUAIAH VOH BIK KA NIH THIN AVANGIN PLAYERS TAMTAKIN MIN THIK

Jurgen Klopp and Pep Guardiola hnuaiah voh bik a nih thin avangin players tamtak ten an thik niin Manchester City star Ilkay Gundogan chuan a sawi.

Ilkay Gundogan hi Germany atanga England a pan hma khan Jurgen Klopp enkawl Borussia Dortmund-ah a lo khel tawh a. Jurgen Klopp hnuaiah matchs 117 lai a khel tling hman a ni. Premiere League lama a insawn hnu pawhin Guardiola hnuaiah matchs 149 lai a khel tling tawh bawk.

Managers pahnih Pep Guardiola leh Jurgen Klopp te nen an in close em avangin, players tamtakin an thik niin Gundogan chuan a sawi.

“Khawvel coach tha ber pahnih an ni” tiin Ilkay Gundogan chuan Fantasy PL a hrilh.

“An ni pahnih hnuaiah hian voh bik ka ni thin”

“Footballers tamtak te hian min thik ngei ka ring, a chhan chu hetiang ang hun remchang an hmuh ve loh avangin”

“An pahnih hian ka thinlungah an awm reng, thil tamtak min zirtir a, ka hlawhtlin theihna bul ber an ni” tiin a sawi bawk.

Next Post

U21 Centre Forward Hlu Zual Top 10 Transfermarkt

Thu Feb 13 , 2020
Transfermarkt chuan U21 players atang Centre Forward hlu zual top 10 te a tarlang. Dortmund player thar Erling Haaland chu […]
RSS
Follow by Email