Pep hnuaia City hlawhtlin chhan Cancelo an a sawifiah

Manchester City defender Joao Cancelo chuan tun hnai kuma Pep Guardiola enkawlna hnuaia Manchester City an hlawhtlin chhan a sawifiah.

City hian tun hnai season nga chhungin Premier League nomawi vawi li an chawi a, he an hlawhtlinna hi kum 28 a upa Cancelo chuan mak a ti hran lem lo.

City in ramchhung inelna thunun hneh viau mahse rampawn inelna Champions League erawh an la chawi thei mai bik lova, 2021 khan final ah Chelsea an hneh lovin chu chu Champions League a an tawn san ber tum a ni.

Tun nipui bazar ah City in striker goal khung thei bik Erling Haaland an lalut a, mi tam tak chuan Champions League chawi turin City an ring zual sauh bawk.

”Ka ngaihdan chuan kan hlawhtlin chhan hi position khata that vang chauh a ni lova, kan inpumkhatna te leh a huho a kan tanrual thiamna te hi a ni zawk. Postion tinah han chak loh fal na em em kan neih awm ka hre lova, a team ang in kan tha rual hle” tiin Cancelo an Pep hnuaia City hlawhtlin chhan a sawifiah.

Portuguese right back chuan sawi chhunzawmin,”Postion tinah player tha tak tak kan nei fer fur a, hei hian dinhmun sang takah min hlangkai a ni. Tun hnai kuma kan thil tih hi team zawng zawng tih theih a ni lo. Champions League la chawi lo mah ila, final leh semi-final te kan thleng tawh. Tin, kum 5 chhunga Premier League vawi 4 chawi hi thil awl ai a ni hauh lo” a ti

Related Posts

error: Content is protected !!