Pep Guardiola hi a generation-ah chuan manager tha ber pakhat a ni. Pep hi FC Barcelona midfielder hlui a ni a, heta tang hian coach fing takah a rawn chhuak chho a ni. Guardiola football style hi a hmuhnawm a, a player lak luhte pawh an tha thei hle, a player lak duh tan chuan sum tamtak sen pawh a inhuam a ni.
Pep Guardiola hian player tha thenkhat lak luhna atan sum a seng hnem
Manchester City boss a nih hnu hian sum a hmang nasa a, season 5 liamta chhung khan Pep Guardiola hian Player lak luhna atan billion ai tam daih sum a hmang a ni. Player man to a lak luh 13 zinga 12 chu Etihad Stadium lama a lak luhte anni.
Pep Guardiola lak luh hnuhnung ber chu Jack Grealish niin, a man a to ang reng hle, a transfer fee hi €117.5 million lai a tling. Defensive tana a sum sen pawh hi a tam hle a, Ruben Dias, Aymeric Laporte, leh Joao Cancelo te lak luhna tan pawh sum a seng hnem hle. Barcelona a enkawl lai khan Zlatan Ibrahimovic hi a la lut a, a player lak luh tawh zawng zawng zinga man to ber dawttu a ni.
Engpawhnise, tun tumah hian Pep Guardiola’an superstar 5 a hralh chhuah tawhte kan rawn tarlang ve leh dawn a ni.
5 Zlatan Ibrahimovic (Barcelona to AC Milan)
Zlatan Ibrahimovic hi Pep Guardiola lak luh zinga player tha ber pakhat ani a, kum 2009 khan Camp Nou lamah a la lut a, kha tihlaia player man to ber pakhat a ni.
Barcelona tan kum 5 daih contract a sign a, Barcelona attacke a puih hle. Season khat vel a khelh hnuah AC Milan lamah loan in a khel chhuak a, he thil chungchangah hian Pep Guardiola erawh a ngawi hmak. Tunah hian kum 39 a upa ni tawhin AC Milan tan a khel mek.
4 Thierry Henry (Barcelona to New York Red Bulls)
Thierry Henry pawh hi Camp Nou atanga Pep Guardiola hralh chhuah zingah a tel a ni. Thierry Henry hian Barcelona elpui ber pakhat atangin Barcelona hi a zawm a, Arsenal atanga a chhuah khan a dream chu Barcelona tana khelh a ni. Henry hian kum 4 daih contract a sign nghe nghe.
A tir lamah kha chuan Frenchman hi Pep Guardiola squad-ah pawimawh tak pakhat a ni a, trio hlauhawm tak Samuel Etoo, Messi leh amah Henry te inkawp kha an tha hle. Mahse, La Masia graduate Pedro a rawn lang ve leh nghal, Henry hi League match 15 ah chiah a inlan thei a ni.
Kum 2010 ah phei chuan a position a chan tawh a, Henry chu New York Red Bulls lamah hralh chhuah a ni. Camp Nou a chhuahsan khan Henry hian hun a nei tam vak tawh lova, kum 2015 khan kum 38 a upa niin football a chawlhsan a ni.
3 Toni Kroos (Bayern Munich to Real Madrid)
Superstar 5 kan tarlan zinga Barcelona player ni lo Pep Guardiola’an a hralh chhuah hmasak ber a ni. Toni Kroos hi Bayern Munich academy chhuak player tha tak a ni. Bayern Munich-ah hian kum 7 chhung teh meuh mai hun a hmang a, Bayern first team player pawimawh tak a ni. Kum 2014 khan Real Madrid lamah hralh chhuah a ni.
Bayern Munich lama Pep Guardiola season khat hmannaah khan Toni Kroos hi midfielder pawimawh tak pakhat a ni a, 2013-14 season-ah khan match 51 khelin goal 4 a khung mai bakah assist vawi 9 a nei tling.
Real Madrid star Xabi Alonso’an club a chhuahsan khan Real Madrid chuan €25 million in an la lut a, vawiin ni thlengin Real Madrid player pawimawh ber pakhat a ni mek.
2 Samuel Eto’o (Barcelona to Inter)
Samuel Etoo hian Catalan club tan match 199 a khelh atangin goal 130 lai a khung. Ibrahimovic’an Camp Nou a rawn pan tirh khan Pep Guardiola chuan a hralh chhuak.
1 Ronaldinho (Barcelona to AC Milan)
Ronaldinho pawh hi Pep Guardiola hralh chhuah ani a, AC Milan lamah lutin season duhawm tak a hmang.
Surce SK