Pep Guardiola’an Hmachhawn Harsa a tih ber a sawi, Mourinho erawh a ni lo

Manchester City boss Pep Guardiola chuan a career-ah coach hmachhawn harsa a tih a sawi a, mahse, Tottenham Hotspur coach Jose Mourinho erawh a ni lo.

Pep Guardiola hian Barcelona, Bayern Munich leh Manchester City lamah hlawhtlinna a chan hnuin khawvel manager tha ber pakhat a ni.

Advertisement

La Liga lamah Mourinho hi Pep Guardiola elpui ber a ni thin a, mahse, Guardiola chuan Liverpool coach Jurgen Klopp chu hmachhawn harsa a tih ber a ni.

“Ka career a hmachhawn harsa ka la tih ber chu nikum atang khan Liverpool hi an ni” tiin Pep Guardiola chuan DAZN a hrilh.

Advertisement

“Englai pawha ka sawi thin chu Real Madrid hi ka hmachhawn tawhah chuan team strong tak an ni tih hi a ni, Jose Mourinho enkawl Real Madrid nen khan matches harsa tak kan khel thin a, mahse, coach tha tak min nih tir thei tu an ni. Manuel Pellegrini leh coach dang hnuaiah khan gam harsa tak kan khel thin a ni.”

Advertisement

“Ka tum pui tawh zingah hmachhawn harsa ber tia min zawh chuan, Liverpool tiin ka chhang ang. England ka thlen tirh kum khatnaah kha chuan tun ai hian tlemin an la tha vak lova, khatih lai kha chuan Real Madrid hi strong ber ka ti, mahse, tunah chuan Liverpool hi ka coaching career-ah chuan hmachhawn harsa ka tih ber an ni” tiin Pep Guardiola chuan a sawi.

Advertisement

Next Post

Reports: Juventus in Man Utd lak tum, lak luh an tum dawn?

Sun Aug 2 , 2020
Serie A Champions Juventus chuan Manchester United hmakhalhin Wolverhampton Wanderers striker Raul Jimenez an la lut thei dawn niin Reports […]