Pep Guardiola'an a player 7 lai mai hralh chhuah tur list-ah a dah?

Manchester City boss Pep Guardiola chuan tun summer transfer-ah hian a player 7 lai mai te chu hralh chhuah tur atan a dah niin report in an tarlang.

Barcelona based journalist Gerard Romeo sawi dan chuan Pep Guardiola hian Man City-ah a bul atangin a inbuatsaih tha leh dawn niin a sawi a, inbuatsaihna atan a player 7 lai mai te hralh chhuah a tum niin a sawi bawk.

An sawi danah 2020/21 Premiere League champions Man City hian squad thuam chak nan player tha ve tawk tak pakhat emaw pahnih emaw tal lak an tum a, Tottenham Hotspur forward Harry Kane leh Aston Villa captain Jack Grealish chu a langsar ber pahnih anni.

Player pasarih atang hian tu ber nge a hralh chhuah dawn tih erawh a chiang lova, hralh chhuah tur list ah hian Gabriel Jesus pawh a tel nghe nhge.

Manchester Evening News in a tarlan dan chuan Juventus in kum 24 a upa Gabriel Jesus hi an duh niin a tarlang. Hetihlai hian League season khelh zawhah khan duh angin City tan a che tha vak lo, league match 58% chiah a start thei a ni.

Portuguese playmaker Bernardo Silva pawh Atletico Madrid boss Diego Simeone’an a target niin an sawi. FC Barcelona lam pawhin England lama a dinhmun an thlir ve reng niin sawi a awm bawk.

Man City player tha chhuak tur zinga telah hian centre back Aymeric Laporte pawh a tel a, Ruben Dias’an a hmun a luahkhat hneh hle.

Kum 27 a upa Spain international Laporte hian season liamta khan Man City tan all competion-ah match 27 lai a khel a, UEFA Champions League bikah phei chuan vawi 4 chiah a khel thei a ni.

Manchester City atangin Sergio Aguero leh Eric Garcia chu an chhuak chiang tawh a, tun thla tawp hian midfielder Fernandinho pawh free agent in a chhuah a rinawm bawk. Ani hi City lama contract a neih a zawh vang a ni.

Engpawhnise, a hnuaiah hian Manchester City player hralh chhuah tur list 7 te kan rawn tarlang e.

Gabriel Jesus – linked with Juventus