Pele Record Ngeihmi Phak Khawh Nak Ding Ah, Messi Nih Kawl 17 Lawng A Duh Cang

Kan thei bantukin atu ah hin PELE cu a ngandamnak lei a chia ngai cang, hospital ah a caan tam deuh a hmang cang. Pele nih hin club pakhat caah kawl 643 bak a khumh i, atu ah hin Lionel Messi nih club pakhat caah kawl 626 a khumh lio asi ve.

Naite ah Pele nih cun club pakhat caah kawl khumh tam bik ka sinak cu, Lionel Messi nih a ka lonh kho ko lai tiah a rak chim vang.

Advertisement

Pele nih hin Santos caah puai 656 bak a rak chuih i, kawl zong 643 bak a khumh kho. Pele cu club pakhat ca lawng ah kawl khumh tam bik record ngeitu asi. Santos ah hin season 19 chung bak caan a hmang. 1974 kum ah Pele nih Santos a rak chuah tak i, New York Cosmos lei ah aa thial. Atu ni tiang Pele record lonh kho le, phak kho an um rih lo.

Nizan Barcelona le Eibar cu Camp Nou ah La Liga puai an chuih i, Camp Nou ah Barcelona lei nih 5-0 bakin an tei hna. Barca captain Lionel Messi nih cun kawl 4 bak a khumh i, Arthur Melo nih kawl khat a khumh ve.

Advertisement

Nizan kawl 4 bak a khumh hnu ah Lionel Messi nih cun club pakhat caah kawl khumh tam bik record ngeitu Pele cu kawl 17 lawng in a phak ti lo, Pele nih Santos a rak chuahtak lio ah khan kum 33 asi i, atu ah hin Lionel Messi zong kum 32 asi ve. Mah lio ah khan Messi nakin Pele cu kum 1 in a upa deuh.

Barcelona number 10 Messi nih Barcelona caah puai 715 a chuih cang i, kawl 626 a khumh cang, goal per game hi 0.87 asi.

Advertisement

Messi nih kawl a khumhnak le a khumh zat cu, La Liga-ah goals 436, Champions League-ah goals 114, Copa de Rey ah goals 53, Spanish Super Cup ah goals 14, European super Cup ah goal 3 asi.

Lionel Messi nih hin Pele Record ngeihmi a lonh kho lai maw?

Advertisement
Advertisement

Next Post

Premiere League: Tun Season Khelh Mekah, Tackles Nei Tam Zual Players 10 te

Mon Feb 24 , 2020
Kan hriat angin Premiere League hi khawvel league hmuhnawm ber a ni hial awm e, Khawvel league Rank-ah pawh a […]