FC Barcelona rising star Pedri chuan Lionel Messi’an Barcelona a chhuahsan hma khan a hnen atang fuihna a hmuh thu a sawi chhuak.
Kan hriat angin Pedrid hi kum khat liamta vel atang kha FC Barcelona leh Spain tan a che tha tak zet a, a chet that em avangin Borussia Dortmund rawlthar Jude Bellingham khum 2021 Golden Boy award a dawng a ni.
Kum 19 a upa Pedri hi Camp Nou ah khan Messi kiangah season khat chiah a khel hman a, season khat a hmannaah a che tha em em a, match 37 lai a khel a ni.
“Amah nena khelh dun chu dream mai a ni.” tiin Pedri chuan Tuttosport a hrilh.
“Golden Boy award a dawn lai khan kum 3 chauhva upa ka la ni rih. Barcelona fans te tan chuan englai pawhin legend a ni reng ang, amah hnen atanga fuihna ka hmu thei hi ka tan chuan thil ropui tak a ni.”
“Player naupang zawk te hian Monster Lionel Messi te ang atanga fuihna dawn hi an duh ve viau chuan ka ring. Min lawmpui a, beidawng ngailo turin min fuih.” tiin Pedri chuan a sawi.
Pedri hi kum 19 chauhva upa ala ni a, mahse, club leh a ram Spain tan a che tha hle. Tun anga a chet that chhoh zel theih chuan khawvel player tha ber pakhat a nih thuai a rinawm.
Source SL