Pawisa Avangin Man Utd Ka Hnawl Lo – Erling Haaland

Erling Haaland hi Borussia Dortmund lamah a insawn hnuuin khawvel striker tha ber a ni mek. Bundesliga club lian Dortmund lamah pawisa tam zawk hlawh a duh vangin Manchester United a hnawl tia an sawi chu a pawm lo hle a a insawifiah.

Red Bull Salzburg lamah tha taka a chet hnuin thla hmasa khan Haaland chuan Dortmund a zawm a, Europe players goal thawh tam ber a ni nghe nghe. January transfer window inhawn lai khan Premiere League club lian Manchester United lam pawhin an beisei ve reng a, mahse an club lamah an la lut thei bik lo a ni.

United lamin duh viau mahse, an offer aiin Dortmund offer a tha zawk a, hetih lai hian Erling Haaland pawhin Dortmund lama kal chu a thlang zawk a ni.

Norwegian television channelViasport  in an sawi dan chuan Haaland’an pawisa a pawimawh hle tiin a sawi niin an sawi a, hei hi Haaland chuan thill dik lo hulhual a ni tiin a sawi ve bawk.

Kum 19 mi Erling Haaland chuan Dortmund lamah a insawn dan chungchang ti hian a sawi.

“Season a tawp khan ka pa leh kei chu kan inbia a, kha tih lai khan Dortmund hming a sawi lo hrim hrim, Ka pa hnenah chuan Dortmund club hi enge i ngaih dan, a that i ring em tiin ka zawt a, ani chuan kan en dawn nia tiin min hrilh”

“Duhthlan tur kha a rawn awm nghal a, Dortmund chu ka tana club tha ber tur a ni in ka hre nghal a”

“Vawiin ni ka dinhmun avang pawh hian Solskjaer hi ka tan chuan a pawimawh hle a, mahse, tawpna kan siamah Dortmund chu ka tan a that ber kan rin avangin ka pan ta zawk a ni” tiin dortmund a pan chhan a sawi.

Dortmund tan matchs 5 a khelh tawh atangin goals 8 lai mai a khung tawh a, shots vawi 7 a neih hmasak ber atangin goals 7 a khung nghal a ni.

Next Post

Jose Mourinho'an Bawlhhlawh Min Ti - Kurt Zouma

Fri Feb 14 , 2020
Chelsea defender Kurt Zouma chuan a pu hlui Jose Mourinho’an hnawmhnawk/bawlhhhlawh a nih thu a hrilh chungchang a sawi chhuak. […]
RSS
Follow by Email