Mancheser United legend Paul Scholes chuan Edinson Cavani leh Cristiano Ronaldo aiin Mason Greenwood chu Manchester United tan star zawk se tih a duh.
Man Utd academy graduate Mason Greenwood hi 2019-20 season khan first team-ah a kai sang a, first team tan a khelh hnuin Red Devils tan a che tha hle. Tunah hian kum 20 a upa chauh la ni mahse, Manchester United tan match 126 inlan tawhin goal 34 a khung mai bakah assist vawi 12 a nei tling mek.
Manchester United legend Paul Scholes chuan Edinson Cavani leh C Ronaldo aiin Greenwood chu start zawk se tih a duh thu Webby and O’Neill Youtube channel a hrilh.
“Mason Greenwood hi player fing tak a ni a, amahah thil ropui tak a awm. Manager in a luh tir vak lova, substitute lama thuttir pawh a awlsawm deuh, a chhan chu player naupang tak ala ni.” tiin Scholes chuan a sawi.
Red Devils in striker upa tak tak an la lut thin chu Scholes’an tha lo a ti a, Old Trafford lama game khel tam tur pawhin a duh lem lo.
“Mason Greenwood hi he team tan a hmatawngah khel rawh se. Cristiano Ronaldo leh Edinson Cavani ang thovin a tha ve a, a career zawng zawng pawh United hmatawng tan khel rawh se. Man Utd centre forward te hi kum 37 leh 34 anni a, club hi eng dinhmunah nge an dah thei ang tih min hrilh ru.”
“Greenwood hi tunah a khelh a ngai a, hmalam hunah pawh a khelh zel a ngai. Talent sang tak nei a ni a, a khelh lai ka en tawh hi chuan ka buai zo thin, he team tan hian goal a khung zel thei ang.” tiin Paul Scholes chuan a sawi.
Source SK