Paul Pogba: Mi Vialte Cung Ah An Um Cang, Liverpool Hi Premiere League Hraidawh Hmuh Aawk Ah An I Tlak Bik

Manchester United mifielder Paul Pogba nih cun Liverpool cu mi vialte cung ah an um cang i, midang caah Premiere league hraidawh cu hnabei dongh asi cang tiah a chim. Jurgen Klopp le a nau hna cu Premiere League hraidawh hmuh awk ah an i tlak bik cang tiah a chim chap.

Kan thei bantukin tutan season an chuih cuahmahmi ah Liverpool cu ttih an nung ngai, nizan West Ham he an chuihmi ah khan 3-2 in teinak an hmuh tthan. Tutan season Premiere League puai (matchs) 27 an chuih cang i, puai 26 bak ah teinak an hmuh, draw voi khat an ngei.

Advertisement

Liverpool nih Premiere League hraidawh cu tuan te ah an hmuh kho men, champion ding in matchs 4 lawng ah teinak hmuh an herh cang. Teinak an hmuh khawh asiah cun March thla chung ah Premiere League hraidawh an hmuh lai. Premiere League tuanbia-ah Premiere League hraidawh hmuh rang bik tuanbia sertu an si lai.

Caan saupi hliam ngei ruang ah aa dinhmi Man United midfielder Paul Pogba nih cun a ral asimi Liverpool cu tuan season ah an hlawhtling ngai cang tiah a chim i, midang vialte caah cun hnabei dongh asi ko tiah a chim chap.

Advertisement

“Mi vialte cung ah an um cang” tiah Paul Pogba nih ESPN a chimh.

“Tutan season League puai an chuihmi ah voi khat zong an sungh rih lo, Premiere League title cu an kut pakhat ah a um cang”

Advertisement

“Manchester United players ka si ruang le, ral kan si ruang ah, teinak an hmuh ding mi hi kan sian lo ngai. Kan sin in ahohmanh nih mah laksawng hi la bak hlah se timi cu kan duh. Nain, football dawttu ka si bantukin, liverpool players hna ka upat ngai hna. Ka chim duhmi cu tutan ah hin Liverpool cu hraidawh hmuh awk ah an i tlak bik ti hi a si”

“Aluancia season nakin tutan ah hin an cawlcangh ttha deuh, aluancia season ah khan Champions League final ah teinak an hmuh, a hlan deuh ah Real madrid cu final ah an tei hna lo” tiah a chim chap.

Advertisement
Advertisement

Next Post

Di Maria'an Manchester United A Ngei-PSG Goalkeeper Marcin Bulka

Tue Feb 25 , 2020
PSG Goalkeeper Marcin Bulka chuan Di Maria’an Manchester United a ngei/huat chungchang sawiin, a mit hmuah Manchester United an lan […]