Paul Merson’an England XI tura a duh a thlang

November ni 21 khian England chuan FIFA World Cup 2022-a an match hmasa ber turah Iran an hmachhawn dawn a, Arsenal legend Pual Merson chuan England XI tura a duh a thlang.

Three Lions in FIFA World Cup game hmasa bera Team Melli an hmachhawn hunah tu ber hi nge start ta ang le tih chu mi tamtak zawhna a ni.

Paul Merson hian Manchester United forward Marcus Rashford chu Harry Kane leh Raheem Sterling kiangah XI a chantir a ni.

“Marcus Rashford hi hliam nei lova tun anga a che tha chho zel anih chuan England 23 man squad-ah hian a tel ngei ka ring” tiin Merson chuan Sky SPort a hrilh.

Kan hriat angin Marcus Rashford hian season bul a rawn tan tha chho hle a, match 6 a khelh tawh atang goal 3 a khung mai bakah assist vawi 2 a nei tawh a ni.

Amaherawhchu, September ni 4-a Arsenal an hmachhawn tum khan hliam a nei hlauh a, Arsenal lakah 3-1 in hnehna an chang anih kha. Hei vang hian Nations League squad-ah pawh telh a ni lo.

Hetihlai hian Merson chuan midfielder pathum atan Declan Rice, Mason Mount leh Phil Foden te a thlang.

West Ham leh Chelsea star Declan Rice leh Mason Mount hi duh angin an club tan bul an tan tha vak lo a ni. Tun dinhmunah West Ham hi table 18 naah an awm mek a, match 7 an khelh atang match 5-ah an tlawm a ni.

Mason Mount pawh duh angin Blues tan a che tha lova, goal ala khung lo mai bakah assist vawi 1 chiah ala nei thei rih.

Merson chuan defence line atan Trent Alexander-Arnold, Kyle Walker, John Stones leh Kieran Trippier te chu a thlang bawk.

Merson hian defence line-ah pali hman a duh loh chungchang a sawifiah:

“Back lama player pali hman hi ka duh lo, game dangah chuan ka hmang mai thei, mahse, back-a 3 kan hman hian Iran chu kan hneh thei em em ang.” tiin a sawifiah.

England hian goalkeeper lam pawh annei tha ang reng a, Pickford, Aaron Ramsdale, Nick Pope leh Jordan Henderson te an kawl a ni. Mahse, Merson chuan England no 1 tur atan Jordan Pickford a thlang.

Source SK

Related Posts

error: Content is protected !!